రవితేజ ‘క్రాక్’ లో గోపీచంద్ కొడుకు..!

సినిమాలో ఏమాత్రం అవకాశం ఉన్నా.. సినీ ప్రముఖుల పిల్లలు, మనవళ్లు తెరపై మెరుస్తుంటారు. ఇది అన్ని ఇండస్ట్రీల్లోనూ మామూలు విషయమే. పిల్లలకు సినిమా వాతావరణం అలవాటు చేయిచేందుకో.. కెమెరా భయం పోగొట్టేందుకో ఇలా చేస్తుంటారు.

అయితే.. వాళ్ల నుంచి పెద్దగా పెర్ఫార్మెన్స్ ను ఆశించలేం. కాస్తోకూస్తో నటింపచేసి, మిగిలిన వ్యవహారాలను డబ్బింగ్ లో ఫినిష్ చేస్తుంటారు. అయితే.. డైరెక్టర్ గోపీచంద్ మలినేని కుమారుడు మాత్రం యాక్టింగ్ ఇరగదీశాడు.

‘క్రాక్’ సినిమాలో హీరో రవితేజ కొడుకుగా నటించిన బుడ్డోడు గోపీచంద్ మలినేని కొడుకే! అయితే.. ఈ సినిమాలో వయసుకు మించిన డైలాగులు చెప్పాడీ చిన్నోడు. అంతేకాదు మాంచి హుషారుగా యాక్టింగ్ చేశాడు. మాట తీరుతోపాటు మొత్తం జూనియర్ గోపీచంద్ లా కనిపించాడు.

గోపీచంద్ ఈ అవకాశాన్ని బాగానే వాడేశాడు. కొడుకు చేత పెద్ద పెద్ద డైలాగులు చెప్పించడమే కాకుండా.. చిన్నపాటి యాక్షన్ సీన్ కూడా కండక్ట్ చేశాడు. మొత్తానికి ..సినిమా పాజిటివ్ టాక్ తో దూసుకుపోతుండగా.. ఇటు కొడుకు యాక్షన్ కూడా ప్రశంసలు కురుస్తున్నాయి. ఈ విధంగా డబుల్ బొనాంజాను ఎంజాయ్ చేస్తున్నాడు గోపీ.