ఫస్ట్ లుక్: శ్రీయ జడ అల్లుతున్న విష్ణు

కొత్త సంవత్సరం వచ్చింది కాబట్టి.. కొత్తగా తమ సినిమాల కొత్త లుక్ ను కూడా రిలీజ్ చేస్తే బాగుంటుంది అని యోచిస్తారు ఫిలిం మేకర్లు. అందుకే ఇప్పుడు మంచు విష్ణు కూడా తన తదుపరి సినిమా లుక్ ను రిలీజ్ చేసే పనిలో పడ్డాడు. అయితే ఈ సినిమాలో మెయిన్ లీడ్ చేస్తోంది మాత్రం మంచు మోహన్ బాబు తెలుసా? పదండి ఈ లుక్ సంగతేంటో చూద్దాం.

పెళ్ళయిన కొత్తలో వంటి సినిమాతో దర్శకుడిగా ఎంట్రీ ఇచ్చి.. ఈ మధ్యకాలంలో గరం వంటి సినిమాతో ఘోర పరాజయం చవిచూసిన దర్శకుడు మదన్.. ఇప్పుడు మోహన్ బాబులు లీడ్లో ఆవిష్కరిస్తూ 'గాయత్రి' అనే సినిమాను తీస్తున్నాడు. ఈ సినిమా ఫస్ట్ లుక్ ఇప్పుడు రిలీజ్ అయ్యింది. ఇందులో మంచు విష్ణు.. హీరోయిన్ శ్రీయకు జడ వేస్తూ కనిపిస్తున్నాడు. అలా జడ అల్లుతుంటే.. వారి మనస్సులు ఇక పర్మినెంట్ గా కలసిపోయాయ్ అనే చందాన మెసేజ్ ఇచ్చారు.

ఇంతకీ మ్యాటర్ ఏంటంటే.. ఈ సినిమాలో మోహన్ బాబు చిన్నప్పటి పాత్రను విష్ణు చేస్తున్నాడు. తరువాత ఏజ్ వచ్చేశాక కబాలి తరహా పాత్రలో మోహన్ బాబు కనిపిస్తారట. ఇకపోతే సినిమాలో హీరోయిన్ నిఖిలా విమల్ ఈయనకు కూతురిగా చేస్తోంటే.. యాంకర్ అనసూయ ఒక ముఖ్యపాత్రను పోషిస్తోంది.