ఈ `వండ‌ర్ ఉమెన్` ముగ్గురు బిడ్డ‌ల త‌ల్లి అంటే న‌మ్మ‌గ‌ల‌రా?

వండర్ వుమన్ ఫ్రాంఛైజీతో వ‌రుస‌ సంచ‌ల‌నాలు సృష్టిస్తున్న‌ ప్ర‌ముఖ హాలీవుడ్ న‌టి గాల్ గాడోట్ ఆడ శిశువుకు జన్మనిచ్చింది. ఇది ఆమెకు మూడో సంతానం. 36 ఏళ్ల గాల్ గాడోట్ ప్ర‌ఖ్యాత‌ డీసీ సూపర్ హీరోగా ఓ వెలుగు వెలుగుతున్న సంగ‌తి తెలిసిందే.

తన మూడవ బిడ్డకు స్వాగతం పలికిన సంద‌ర్భంగా ఇన్ స్టాగ్రామ్ లో స్వీట్ ఫ్యామిలీ ఫోటోతో సంతోషకర విష‌యాన్ని ప్రకటించింది. ఇలా జ‌న్మ‌నివ్వ‌గానే అలా త‌న కూతురు పేరు `డేనియెల్లా` అంటూ ప్ర‌క‌టించారు గాల్‌. ఫోటోలో గాల్ భర్త యారోన్ వర్సానో (ఆమె 2008 లో వివాహం చేసుకున్నారు) వారి కుమార్తెలు మాయ- అల్మా స‌హా మూడో కుమార్తెతో కలిసి క‌నిపించారు. గాల్ గాడోట్ కి అమెరికా కోడ‌లు ప్రియాంక చోప్రా జోనాస్ ఈ శుభ‌సంద‌ర్భాన‌ ``అభినందనలు`` తెలిపారు.

మార్చిలో త‌న గ‌ర్భాన్ని ప్ర‌క‌టించిన గాల్ గాడోట్ ఏప్రిల్ 2021లో ఓ చానెల్ ఇంట‌ర్వ్యూలో మాట్లాడుతూ త‌న‌కు బేబి గాళ్ జ‌న్మిస్తుంద‌ని ఛ‌మ‌త్క‌రించారు. ``మమ్మీ కడుపులో పాపా ఒక విత్తనాన్ని నాటారు. కాబట్టి మేము దానిని చూస్తున్నాం. పక్షులు తేనెటీగలు మనకు ఎలా తెలుసో.. మూడవ బిడ్డ ఆడా మగా అన్న‌ది కూడా అలానే తెలిసిపోతుంది`` అంటూ గాల్ గాడోట్ చానెల్ లైవ్ లో న‌వ్వులు చిందించారు.