రక్తంతో టాటూ.. హీరోయిన్ హర్టయ్యింది

అభిమానానికి హద్దుల్లేవనేది అందరికీ తెలిసిందే. సోషల్ మీడియాల్లో రచ్చ చేయడం నుంచి.. నిజజీవితంలో దిష్టి బొమ్మలు తగలేయడం వరకు.. అభిమానులు చాలా రేంజుకు ఎదిగిపోయారు. అలాంటి ఓ అభిమాని చేసిన పని ఇప్పుడు ''రన్ రాజా రన్'' ఫేం హీరోయిన్ శీరత్ కపూర్ ను బాగా హర్ట్ చేసింది. అది చూసిన స్టార్ హీరోయిన్ రకుల్ ప్రీత్ ఇంకా హర్టయ్యింది.

ఒక బీభత్సమైన అభిమాని తన చేతిమీద 'ఎస్' అంటూ కట్ చేసుకుని.. రక్తం చిందించాడు. ఆ రక్తాన్ని చిందించిన ఇమేజ్ ను శీరత్ కపూర్ కు షేర్ చేసి.. ఇది నీ కోసమే అన్నాడట. దానితో హర్టయిన శీరత్.. దయ చేసి మిమ్మల్ని మీరు ప్రేమించుకోండి.. ఇలాంటి ప్రేమ మాపై చూపించొద్దు ప్లీజ్.. అంటూ ఈ రింగులు జుత్తు బ్యూటి ఒక రిక్వెస్ట్ చేసింది. దీనిని ఫ్యాన్స్ ఎంతవరకు తీసుకుంటారో తెలియదు కాదు.. రకుల్ ప్రీత్ కూడా ఇదే విషయంపై స్పందిస్తూ.. మిమ్మల్ని మీరు ప్రేమించుకోండి.. దయచేసి విలువైన జీవితాన్ని ఇలా చేసుకోవద్దు.. అంటూ ట్వీటేసింది.

గతంలో కూడా రక్తంతో హీరోయిన్లకు ప్రేమ లేఖలు రాయడం.. అలాగే చేతులు కాళ్ళూ వంటి కోసుకోవడం వంటి వికృత చర్యలు చాలామంది చేశారు. ఇలాంటి వారికి మన హీరోయిన్ల పోస్టులు కాస్త కనువిప్పు కలగజేస్తే మంచిదే.

Like Us on Facebook : https://www.facebook.com/Tupakidotcom/