మహర్షి సాంగ్: ఎవరెస్ట్ అంచులు తాకట్లేదే

సూపర్ స్టార్ మహేష్ బాబు తాజాచిత్రం 'మహర్షి' ప్రమోషన్స్ ఇప్పటికే స్టార్ట్ అయ్యాయి. ఈ సినిమా నుండి 'ఛోటీ ఛోటీ బాతే'.. 'నువ్వే సమస్తం' అంటూ సాగే లిరికల్ సాంగ్స్ ను ఇప్పటికే విడుదల చేశారు. తాజాగా 'ఎవరెస్ట్ అంచున' అంటూ సాగే సాంగ్ వీడియో ప్రివ్యూ ను విడుదల చేశారు.

ఈ సినిమాకు దేవీ శ్రీ ప్రసాద్ సంగీత దర్శకుడు అనే సంగతి తెలిసిందే. 'ఎవరెస్ట్ అంచున' పాటకు సాహిత్యం అందించినవారు శ్రీమణి. రాజు సుందరం మాస్టర్ కోరియోగ్రఫీ అందించారు. పాట వీడియోలో మహేష్ బాబు.. పూజ హెగ్డేలు అందంగా కనిపిస్తున్నారు. స్టెప్స్ కూడా ఇంట్రెస్టింగ్ గానే ఉన్నాయి కానీ ఒవరాల్ గా పాట సోసోగానే ఉంది. ఒక చార్ట్ బస్టర్ లా ఏమీ అనిపించడం లేదు. ట్యూన్ కూడా యావరేజ్ గానే ఉంది. 'భరత్ అనే నేను' తర్వాత డీఎస్పీ మరోసారి మహేష్ సినిమాకు మ్యూజిక్ అందిస్తున్నాడు అంటే అంచనాలు భారీగా ఉన్నాయి కానీ.. ఆ సినిమా పాటలలో ఒక్కదాన్ని కూడా ఈ ఎవరెస్ట్ అంచున సాంగ్ మ్యాచ్ చేసేలా లేదు.

ఇప్పటికే రిలీజ్ అయిన రెండు సాంగ్స్ కు మిక్స్డ్ రెస్పాన్స్ వచ్చింది. ఇక మూడో సాంగ్ అంచనాలు అందుకుంటుందని అనుకుంటే ఇది కూడా సోసోగానే ఉంది. మరి ఆల్బమ్ లో ఉన్న మిగతా పాటలు ఎలా ఉన్నాయో వేచి చూడాలి. ఆలస్యం ఎందుకు.. ఎవరెస్ట్ అంచున.. చూసి ఎంజాయ్ చెయ్యండి.