హాట్ బ్యూటీ బ్యాడ్ లక్

బాలీవుడ్ లో తన అందాలతో ఆకట్టుకున్న ముద్దు గుమ్మా ఇషా గుప్త అక్కడ మంచి గుర్తింపును దక్కించుకుంది. హాట్ బ్యూటీగా పలు సినిమాలతో బాలీవుడ్ ఆడియన్స్ ను మెప్పించిన ఇషా టాలీవుడ్ లో మాత్రం ప్రయత్నించిన ప్రతి సారి కూడా నిరాశకు గురవుతోంది. ఇప్పటికే రెండు సార్లు తెలుగులో ప్రయత్నించిన ఈ అమ్మడు రెండు సార్లు కూడా ఫ్లాప్ నే మూట కట్టుకుంది.

సచిన్ జోషి తో "వీడెవడు" సినిమాతో తెలుగు ప్రేక్షకులకు పరిచయం అయిన ఇషా గుప్త మొదటి సినిమాను ప్లాప్ అవ్వడంతో చాలా గ్యాప్ వచ్చింది. మళ్ళీ ఇన్నాళ్లకు ఇషా వినయ విధేయ రామ సినిమాతో ప్రేక్షకుల ముందుకు వచ్చింది. చరణ్ తో ఐటమ్ సాంగ్ చేయడం తో పాటు, రెండు మూడు సీన్స్ లో కూడా కనిపించింది.

భారీ అంచనాల నడుమ విడుదలైన వినయ విధేయ రామ సినిమా మరి దారుణమైన ఫ్లాప్ గా నిలిచింది. ఈ సినిమాతో తెలుగులో ఛాన్స్ దక్కించుకోవడం ఖాయంగా భావించిన ఇషా గుప్తాకు మళ్ళీ నిరాశ మిగిలింది. తెలుగు సినిమా ల నుండి వచ్చిన రెండు ఆఫర్లు కూడా ఇషా కు ఫ్లాప్స్ ను మిగిల్చిన నేపథ్యంలో ఇక ఆమె మళ్ళీ తెలుగులో ఆఫర్లను దక్కించుకుంటుందో లేదో చూడాలి.