'ఏక్ మినీ కథ' రిలీజ్ డేట్ ఫిక్స్..!

'పేపర్ బాయ్' ఫేమ్ సంతోష్ శోభన్ హీరోగా తెరకెక్కుతున్న తాజా చిత్రం ''ఏక్ మినీ కథ''. ఇందులో కావ్యా థాపర్ హీరోయిన్ గా నటిస్తుండగా.. శ్రద్ధాదాస్ కీలక పాత్ర పోషించింది. ప్రముఖ దర్శకుడు మేర్లపాక గాంధీ కథ అందిస్తున్న ఈ చిత్రానికి కార్తీక్ రాపోలు దర్శకత్వం వహిస్తున్నారు. యూవీ క్రియేషన్స్ అనుబంధ సంస్థ యూవీ కాన్సెప్ట్స్ బ్యానర్ పై ఈ సినిమా రూపొందుతోంది. మ్యాంగో మాస్ మీడియా నిర్మాణంలో భాగస్వామిగా వ్యవహరిస్తోంది. 'డజ్‌ సైజ్‌ మ్యాటర్‌?' అంటూ ఇంట్రెస్టింగ్ ఫస్ట్ లుక్ పోస్టర్ - మినీ టీజర్ - పాటలతో సినిమాపై బజ్ క్రియేట్ చేశారు. ఈ నేపథ్యంలో తాజాగా సినిమా విడుదల తేదీని చిత్ర యూనిట్ ప్రకటించారు.

'ఏక్ మినీ కథ' చిత్రాన్ని ఏప్రిల్ 30వ తేదీన విడుదల చేయనున్నట్లు మేకర్స్ వెల్లడించారు. ఈ సందర్భంగా వదిలిన కొత్త పోస్టర్ ఆకట్టుకునేలా ఉంది.  వాస్తవానికి ఏప్రిల్ 30న దగ్గుబాటి రానా - సాయి పల్లవి జంటగా నటించిన 'విరాటపర్వం' సినిమా విడుదల కావాల్సి ఉంది. అయితే కోవిడ్ పరిస్థితుల నేపథ్యంలో ఈ చిత్రాన్ని వాయిదా వేసుకున్నారు. దీంతో ఈ డేట్ ని ఇప్పుడు 'ఏక్ మినీ కథ' కోసం లాక్ చేసుకున్నారు. ఈ నెల చివర్లో సోలో రిలీజ్ కావడం.. ఆ సమయంలో వేరే సినిమాల విడుదల లేకపోవడం ఈ చిత్రానికి అడ్వాంటేజ్ గా మారే అవకాశం ఉంది. కాగా, ఈ చిత్రానికి ప్రవీణ్ లక్కరాజు సంగీతం సమకూర్చారు. గోకుల్ భారతి సినిమాటోగ్రఫీ అందించగా.. సత్య ఎడిటింగ్ వర్క్ చేస్తున్నారు. ఈ చిత్రంలో బ్రహ్మాజీ - సుదర్శన్ - హర్షవర్ధన్ - సప్తగిరి తదితరులు ఇతర ప్రధాన పాత్రలు పోషించారు.