విరుచుకుప‌డుతున్న డ‌బ్బింగు సినిమాలు

వ‌ర‌ద భీభ‌త్సంతో చెన్న‌య్ రూపు మారిపోయింది. ఇల్లెక్క‌డో, థియేట‌ర్ ఎక్క‌డో ఎవ‌రికీ అర్థం కాని ప‌రిస్థితి వ‌చ్చింది. ఈ రెండ్రోజుల్నుంచి వ‌ర‌ద త‌గ్గు ముఖం ప‌ట్టింది. నెమ్మ‌దిగా సిటీ మునుప‌టి రూపానికి వ‌చ్చేస్తోంది. అయితే ఈ వ‌ర‌దల వ‌ల్ల ఇత‌ర ప‌రిశ్ర‌మ‌ల్లానే సినిమా ప‌రిశ్ర‌మ కూడా తీవ్రంగా న‌ష్ట‌పోయింది. ఈపాటికే రిలీజ్ కావాల్సిన సినిమాల‌న్నీ వాయిదా ప‌డ్డాయి. సెట్టింగులు వేసుకుని షూటింగులు చేయాల‌నుకున్న‌వాళ్లంద‌రికీ తీవ్ర న‌ష్టం వాటిల్లింది. కార‌ణం ఏదైనా ఈ వ‌ర‌ద‌లు బోలెడంత గుణ‌పాఠం నేర్పించాయి.

ప్ర‌స్తుతం నేరుగా కోలీవుడ్ సినిమాలేవీ థియేట‌ర్ల‌లోకి రిలీజ‌య్యే ప‌రిస్థితి లేదు. ఎవ‌రికి వారు వాయిదాలు వేసుకుని వెయిటింగులో ఉన్నారు. అయితే ఈ లోగానే ఈ శుక్ర‌వారం థియేట‌ర్ల‌ను ఖాళీగా ఉంచ‌డం ఎందుకు? అనుకున్నారో ఏమో.. ఇటీవ‌లి కాలంలో వెయిటింగులో ఉన్న డ‌బ్బింగు సినిమాల‌న్నీ రిలీజైపోతున్నాయి. రామ్‌చ‌ర‌ణ్ న‌టించిన ఎవ‌డు డ‌బ్బింగ్ వెర్ష‌న్ మ‌గ‌ధీర‌, మ‌ల‌యాళ హిట్ చిత్రం మెట్రో అనువాద వెర్ష‌న్ రిలీజ‌వుతున్నాయి. సేమ్ టైమ్ బాలీవుడ్ నుంచి కొన్ని సినిమాలు త‌మిళ్‌లో అనువాద‌మై రిలీజ‌వుతున్నాయి. వీటిలో బి గ్రేడ్‌ మూవీ డర్టీ పిక్చ‌ర్ రిట‌ర్న్స్ ఒక‌టి. అలాగే షారూక్‌ఖాన్ - కాజోల్ జంట‌గా న‌టించిన దిల్‌వాలే త‌మిళ భాష‌లోకి అనువాద‌మై రిలీజ‌వుతోంది. మ‌రికొన్ని సినిమాలు క్యూలో ఉన్నాయి.