డాషింగ్ డైరెక్టర్ ను అప్సెట్ చేసిన హాటు పాప!

దిశా పటాని ఇప్పుడంటే హాటు భామగా పేరు తెచ్చుకుంది.. కాల్విన్ క్లెయిన్ ను హాట్ నెస్ కు కేరాఫ్ అడ్రస్ గా మార్చేసింది. ఇన్నర్ వేర్ బ్రాండ్ అంబాజిడర్లకు క్రేజ్ తీసుకొచ్చింది. బాలీవుడ్ హీరోయిన్ గా సెట్ అయింది కానీ ఈ భామలోని స్పార్క్ ను గుర్తించిన ఘనుడు ఎవరో కాదు.. మోడరన్ దర్శకేంద్రుడు.. మన పూరి జగన్నాధుడే!

దిశా పటానికి 'లోఫర్' సినిమాలో హీరోయిన్ గా అవకాశం ఇచ్చి ప్రోత్సహించాడు. అయితే ఆ సినిమా ఆశించిన విజయం సాధించక పోవడంతో దిశా పటాని తన దృష్టిని బాలీవుడ్ పైకి మరల్చింది. అక్కడ వరసగా ఆఫర్లు రావడంతో సెట్ అయి పోయింది. ఇదిలా ఉంటే ఈమధ్య ఈ హాటు బ్యూటీ పూరికే 'నో' చెప్పిందట. పూరి ప్రస్తుతం రౌడీ హీరో విజయ్ దేవరకొండతో 'లైగర్' అనే సినిమాను తెరకెక్కిస్తున్నారు. ఈ సినిమాకు మొదట దిశా పటానిని హీరోయిన్ గా అనుకున్నారట. అయితే దిశా మాత్రం సింపుల్ గా 'నో' చెప్పేసిందట. ప్రస్తుతం ఈ భామ దృష్టి అంతా హిందీ సినిమాలపైనే ఉందట. అందుకే ఈ టాలీవుడ్ సినిమా చేసేందుకు ఆసక్తి చూపలేదట.

దిశా నో చెప్పడంతో పూరి కొంతమేర అప్సెట్ అయ్యారట. అయితే ఈ సినిమాకు బాలీవుడ్ హీరోయిన్ ను తీసుకోవాలని ఫిక్స్ అయి ఉండడంతో మరో న్యూ జెనరేషన్ హీరోయిన్ అనన్య పాండేని ఫైనలైజ్ చేశారని ముంబై మీడియాలో టాక్ వినిపిస్తోంది. అయినా హాటు పటాని పాప ఇలా మన డాషింగ్ డైరెక్టర్- రౌడీ హీరో సినిమాను రిజెక్ట్ చెయ్యడం ఏం బాగాలేదబ్బా.. అభిమానులు చాలా మిస్ అవుతారు. వారి హాటు మనోభావాలు దెబ్బతింటాయి కదా!