డిఫరెంట్ క్యారెక్టర్స్ సెలక్షన్.. అసలు కాజల్ ప్లాన్ ఏంటి..??

దక్షిణాది స్టార్ హీరోయిన్ కాజల్ అగర్వాల్.. పెళ్లికి ముందు స్లో అనిపించింది. కానీ పెళ్లి చేసుకొని ఒక్కసారిగా సినిమాల విషయంలో వేగం పెంచేసింది. ప్రస్తుతం అమ్మడి చేతిలో భారీ సినిమాలే ఉన్నాయి. అయితే ఈ భామ ఫస్ట్ టైం టాలీవుడ్ కింగ్ నాగార్జున సరసన నటిస్తోంది. కింగ్ నాగ్ హీరోగా `గరుడవేగ` ఫేమ్ ప్రవీణ్ సత్తారు దర్శకత్వంలో ఓ యాక్షన్ థ్రిల్లర్ రూపొందుతున్న సంగతి తెలిసిందే. ప్రస్తుతం ఈ సినిమా చిత్రీకరణ దశలో ఉంది. కాగా ఈ సినిమాలో కాజల్ కీలకపాత్రలో నటిస్తోంది. అయితే ఈ సినిమాలో కాజల్ ఇంతవరకు చూడని న్యూ లుక్కులో కనిపించనుందని టాక్. ఈ విషయాన్ని సినిమా దర్శకుడు ఇటీవల ఓ మీడియాతో మాట్లాడుతూ వెల్లడించాడు.

అలాగే కాజల్ పాత్రకు సంబంధించి ఆసక్తికరమైన వివరాలు తెలిపాడు. ఈ యాక్షన్ మూవీలో కాజల్ `రా` ఏజెంట్ గా కనిపించనుందట. అలాగే కాజల్ ఇదివరకటిలా కాకుండా ఈ సినిమాలో నెవర్ బిఫోర్ లుక్‌లో డిఫరెంట్ బాడీ లాంగ్వేజ్ తో అలరించనుందని తెలుస్తుంది. అమ్మడు తన పాత్ర కోసం ప్రత్యేక శిక్షణ కూడా తీసుకుంటుందట కాజల్. అందులో భాగంగానే కాజల్ మార్షల్ ఆర్ట్స్ - రైఫిల్ షూటింగ్ లాంటివి కూడా నేర్చుకుంటుందట. ఈ సినిమా కాకుండా కాజల్ తెలుగులో మెగాస్టార్ చిరంజీవి సరసన ఆచార్య సినిమాలో నటిస్తోంది. కొరటాల దర్శకత్వం వహిస్తున్న ఈ సినిమా ప్రస్తుతం చివరి దశలో ఉంది.

అలాగే కాజల్ డైరెక్టర్ శంకర్ తెరకెక్కించిన ఇండియన్-2 సినిమాలో కూడా నటిస్తోంది. కానీ ఆ సినిమా ప్రస్తుతం నిలిచిపోయింది. ఇదిలా ఉండగా.. ఇటీవలే అమ్మడు లైవ్ టెలికాస్ట్ అనే వెబ్ సిరీస్ తో ఓటిటిలో అడుగుపెట్టింది. హారర్ థ్రిల్లర్ గా రూపొందిన ఆ వెబ్ సిరీస్ కాజల్ కు మంచి గుర్తింపు తీసుకొచ్చింది. అయితే ఇప్పుడు కాజల్ మరో థ్రిల్లర్ మూవీతో ప్రేక్షకుల ముందుకు రావడానికి సన్నద్ధం అవుతున్నట్లు టాక్. పేపర్ బాయ్ ఫేమ్ జయశంకర్ దర్శకత్వంలో కాజల్ ఓ లేడీ ఓరియెంటెడ్ సస్పెన్సు థ్రిల్లర్ ఓకే చేసినట్లు తెలుస్తుంది. అలాగే ఈ సినిమా త్వరలోనే సెట్స్ పైకి వెళ్ళనుందని సమాచారం. కాజల్ పెళ్లి తర్వాత ప్రయోగాలు చేయడం మొదలు పెట్టింది. మొత్తానికి కాజల్ ఫ్యాన్స్ అయితే హ్యాపీనే అని చెప్పాలి.