స్లమ్ డాగ్ హీరో పబ్లిక్ కిస్

స్లమ్ డాగ్ మిలియనీర్ తో ఇంటర్నేషనల్ యాక్టర్ గా గుర్తింపు పొందాడు దేవ్ పటేల్. ఆ చిత్రం సాధించిన విజయం ప్రభావంతో.. హాలీవుడ్ లో బిజీ యాక్టర్ గా మారిపోయాడు ఈ ఇండియన్ ఇంగ్లీష్ యాక్టర్. ఇతను నటించిన లయన్ మూవీ ఆస్కార్ అవార్డుల రేస్ లో... బెస్ట్ ఫిలింకి పోటీ పడింది కూడా.

లయన్ కు ఆస్కార్ చిక్కలేదు కానీ.. ఆ మూవీతో అనేక ఇతర అవార్డులను సొంతం చేసుకున్నాడు దేవ్ పటేల్. ఇప్పుడీ 26 ఏళ్ల కుర్ర హీరో.. టిల్డా చోభన్ హెర్వీ అనే భామతో చక్కర్లు కొడుతున్నాడు. ఈమె అమెరికన్ ఆస్ట్రేలియన్ యాక్టర్. ప్రస్తుతం వీరిద్దరూ డేటింగ్ లో ఉన్నారని తెగ టాక్ వినిపించేస్తోంది. వీటిని కన్ఫాం చేస్తున్నా అన్నట్లుగా ఉంది దేవ్ వాలకం. తాజాగా వీళ్లిద్దరూ కలిసి ఓ బోట్ షికారుకు వెళుతూ.. బోట్ ఎక్కేముందు.. పబ్లిక్ గా కిస్సులు లాగించేశారు. ఈ సీన్ చూసిన ప్రతీ ఒక్కరికీ వీరి డేటింగ్ వ్యవహారం బాగా అర్ధమైపోయింది.

ఇంతకు ముందు ఫ్రిదా పింటోతో ఆరేళ్ల పాటు అనుబంధం కొనసాగించిన దేవ్ పటేల్.. కొన్ని నెలల క్రితం బ్రేకప్ అయిపోయాడు. ఇప్పుడు తన కొత్త గాళ్ ఫ్రెండ్ అంటూ.. ఈమెను పరిచయం చేసేందుకే ఇలా పబ్లిక్ కిస్సుల హంగామా చేశాడనే టాక్ వినిపిస్తోంది.

Like Us on Facebook : https://www.facebook.com/Tupakidotcom/