పద్మావతి లుక్కు ఫేక్ అనేశారు

బాలీవుడ్ లో బోలెడన్ని జాగ్రత్తలు తీసుకుని మరీ.. పద్మావతి మూవీ తెరకెక్కిస్తున్నాడు సంజయ్ లీలా భన్సాలీ. షూటింగ్ స్పాట్ నుంచి కనీసం ఒక్క ఫోటో కూడా లీక్ కాకుండా.. చర్యలు తీసుకున్నాడు. మొబైల్ ఫోన్లతో ఫోటోలు తీసే అవకాశం లేకుండా మూవబుల్ టెంట్స్ ఉపయోగిస్తున్నాడు దర్శకుడు. అయితే.. రీసెంట్ గా పద్మావతిలో దీపికా పదుకొనే లుక్ అంటూ.. ఓ స్కెచ్ మీడియాలో చక్కర్లు కొట్టింది.

ఇది అఫీషియల్ అని ఆల్మోస్ట్ మీడియా జనాలు నమ్మేశారు. దాన్నే పబ్లిసిటీ చేసి పారేశారు. ఇందుకు కారణం.. పద్మావతికి క్యాస్టింగ్ డైరెక్టర్ అయిన శృతి మహాజన్ ఫేస్ బుక్ పేజ్ నుంచి ఇది పోస్టింగ్ కావడమే. కానీ.. ఇది పద్మావతి లుక్ కాదని.. ఫస్ట్ లుక్ ఇంకా రిలీజ్ చేయలేదని.. యూనిట్ నుంచి క్లారిటీ వచ్చేసింది. తాజాగా శృతి మహాజన్ ఈ విషయంపై స్పందించాడు. అసలు ఆ ఫేస్ బుక్ ఖాతా తనది కాదని తేల్చేశాడు కూడా.

ఇది పద్మావతిలో దీపిక లుక్ కాకపోయినా.. ఆ మూవీపై జనాల్లో ఎంత ఆసక్తి ఉందో చెప్పేందుకు.. ఈ డూప్లికేట్ ఫస్ట్ లుక్ వైరల్ అయిన ఘటనే సాక్ష్యంచ. బాజీరావు మస్తానీ తర్వాత మరోసారి సంజయ్ లీలా భన్సాలీ-దీపికా పదుకొనే-రణవీర్ సింగ్ ల కాంబినేషన్ కావడంతోనే.. ఆడియన్స్ లో ఇంతటి క్యూరియాసిటీ కనిపిస్తోంది.

Like Us on Facebook : https://www.facebook.com/Tupakidotcom/