బాహుబలి అండ్ భళ్లాలదేవుడు కలుస్తారా?

తెలుగు సినిమా చరిత్రను తిరగరాసిన చిత్రం బాహుబలి. తెలుగులోనే కాదు.. రిలీజయిన ప్రతి భాషలోనూ అభిమానులను విశేషంగా ఆకట్టుకున్న మూవీ ఇది. తాజాగా జపాన్ లో బాహుబలి రిలీజైతే అక్కడి ప్రేక్షకులకు ఈ మూవీ తెగ నచ్చేసింది. ఈ సినిమాలో బాహుబలిగా ప్రభాస్.. విలన్ భళ్లాలదేవుడిగా రానా నటన ఇంకెవరికీ సాధ్యం కాదనిపించేంత అద్భుతంగా ఉంటుంది.

ప్రభాస్ - రానా కాంబినేషన్ లో ఓ మూవీ తీయడానికి ఫీల్ గుడ్ చిత్రాల స్పెషలిస్టు దశరథ్ రెడీ అవుతున్నాడు. ఇంతకుముందు ప్రభాస్ తో దశరథ్ మిస్టర్ పర్ ఫెక్ట్ సినిమా తీశాడు. ఇది ఫ్యామిలీ ఓరియంటెడ్ మూవీ కావడంతో బాగానే ఆడింది. దీని తరవాత దశరథ్ డైరెక్ట్ చేసిన గ్రీకు వీరుడు - శౌర్య సినిమాలు బాక్సాఫీస్ వద్ద బోల్తా పడ్డాయి. అందుకే ఈసారి ప్రేక్షకులను మెప్పించేలా దశరథ్ ఓ సూపర్ స్టోరీ రెడీ చేస్తున్నాడట. అర్బన్ ఓరియంటెడ్ లవ్ స్టోరీగా ఈ మూవీ తీసే ఆలోచనలో ఉన్నాడు. దశరథ్ సినిమాల్లో ఉండే ఎమోషనల్ కంటెంట్ ఈ మూవీలోనూ ఆకట్టుకునేలా ఉంటుందని అంటున్నారు.

ఈ సినిమాలో ప్రభాస్ - రానా హీరో విలన్లుగా నటించడం లేదని తెలుస్తోంది. దీనిని మల్టీ స్టారర్ లా తీస్తున్నాడా లేక సంతోషం సినిమాలో ప్రభుదేవాలా రానాతో ఇంపార్టెంట్ రోల్ చేయించబోతున్నాడా అన్నదానిపై ఇంకా క్లారిటీ రాలేదు. ప్రస్తుతం ప్రభాస్ హై ఓల్టేజ్ యాక్షన్ ఎంటర్ టెయినర్ గా తెరకెక్కుతున్న సాహో షూటింగ్ లో బిజీగా ఉన్నాడు.