సోలోగా షూటింగ్ కంప్లీట్ చేస్తున్న డార్లింగ్ ప్రభాస్!

డార్లింగ్ ప్రభాస్ ప్రస్తుతం బ్యాక్ టు బ్యాక్ సినిమాలను లైన్ లో పెట్టిన సంగతి తెలిసిందే. ప్రెసెంట్ ముంబైలో ఉన్న ప్రభాస్.. తన కెరీర్లో ఎంతో ప్రతిష్టాత్మకంగా రూపొందుతున్న ఆదిపురుష్ షూటింగ్ లో పాల్గొన్నాడు. ఈ సినిమాకోసం కొన్ని కీలకమైన సోలో సీన్స్ కంప్లీట్ చేస్తున్నాడట. ముంబైలోని ఒక ప్రైవేట్ స్టూడియోలో ప్రత్యేకంగా నిర్మించిన సెట్‌లో ఆదిపురుష్ సన్నివేశాలను చిత్రీకరిస్తున్నారు మేకర్స్. అయితే ఈ సినిమా భారీ బడ్జెట్ తో పాన్ ఇండియా సినిమాగా తెరకెక్కుతుంది. ఇంకా ఈ సినిమాలో ప్రభాస్ రాముడు పాత్రలో నటించనుండగా.. సీత పాత్రలో బాలీవుడ్ యాక్ట్రెస్ కృతిసనన్ కనిపించనుంది. ఇటీవలే కృతి ఆదిపురుష్ షూటింగ్ లో పాల్గొనడం ప్రారంభించింది.

అలాగే సీత పాత్రతో పాటు సన్నీ సింగ్ కూడా ఈ సినిమాలో ప్రధాన పాత్ర పోషిస్తున్నట్లు తెలుస్తుంది. ప్రభాస్ తో పాటు కృతి, సన్నీల కాంబినేషన్ సన్నివేశాలు కూడా షూట్ చేస్తున్నారు మేకర్స్. ఈ 3డి సినిమాను షూట్ చేసేందుకు ప్రత్యేకమైన మోషన్ క్యాప్చర్ బృందం సెట్స్‌లో ఉంది. దాదాపు 400 కోట్ల రూపాయలతో ఈ చిత్రాన్ని నిర్మిస్తున్నట్లు సినీవర్గాలు చెబుతున్నాయి. ఈ మైథలాజికల్ మూవీలో సైఫ్ అలీఖాన్ రావన్ పాత్రలో కనిపించనున్నాడు. ఇదివరకు చెప్పినట్లుగా ఆదిపురుష్ ఇండియన్ సినిమాల్లో మొట్టమొదటిసారిగా కొత్త టెక్నాలజీని పరిచయం చేయనుంది. రియల్ టైమ్ టెక్నాలజీ వీఎఫ్‌ఎక్స్ ఈ సినిమా కోసం ఉపయోగిస్తున్నారు. మరోవారంలో ప్రభాస్ సలార్ షెడ్యూల్ లో పాల్గొనబోతున్నాడు. ఆ సినిమాకు ప్రశాంత్ నీల్ దర్శకత్వం వహిస్తున్నాడు.