ధృవ హృదయాన్ని చూసేసిన రకుల్

రామ్ చరణ్ లేటెస్ట్ మూవీ ధృవ.. ఆడియో ఫంక్షన్ జరపడం లేదని.. నేరుగా పాటలను మార్కెట్లో రిలీజ్ చేయబోతున్నామని ఇప్పటికే గీతా ఆర్ట్స్ ప్రకటించేసింది. నవంబర్ 9న మెగా పవర్ స్టార్ నటించిన ధృవ పాటలు విడుదల కానుండగా.. ఇప్పుడు ఈ సాంగ్స్ కి సంబంధించిన ప్రోమోలను రిలీజ్ చేస్తూ.. పబ్లిసిటీ హంగామా స్టార్ట్ చేసేశారు.

మొదట 'నీతోనే డ్యాన్స్' అనే పాటను రిలీజ్ చేయగా.. ఇప్పుడు 'చూశా చూశా ఒక హృదయాన్నే హృదయాన్నే.....కలిశా కలిశా ఆ హృదయాన్ని.. హృదయాన్ని' అంటూ సాగే సాంగ్ ప్రోమో విడుదలైంది. పూర్తిగా కశ్మీర్ లోనే ఈ పాటను పిక్చరైజ్ చేయడంతో.. విజువల్స్ హైరిచ్ గా ఉన్నాయి. అక్కడ ఐపీఎస్ ట్రైనింగ్ లో భాగంగా ఈ పాట వస్తుందనే విషయం అర్ధమవుతోంది. అటు ట్రైనింగ్.. ఇటు హీరోయిన్ రకుల్ ప్రీత్ తో రొమాన్స్.. రెండింటినీ కవర్ చేసేస్తాడు మెగా పవర్ స్టార్.

చూశా చూశా పాట వరకూ అయితే.. సినిమాటోగ్రఫీ హైలైట్ గా నిలవనుంది. మరోవైపు.. ధృవ ప్రమోషన్స్ కోసం ఇప్పటికే మ్యూజిక్ డైరెక్టర్ హిప్ హాప్ తమీజా ఇంటర్వ్యూలు ఇచ్చేస్తున్నారు. రేడియో ఇంటర్వ్యూలు.. టీవీ షోలు కూడా స్టార్ట్ అయిపోతున్నాయి. చెర్రీ సినిమా రిలీజ్ కి నెల రోజుల ముందు నుంచే పబ్లిసిటీ మొదలుపెట్టేయడంతో.. ఇక రిలీజ్ డేట్ నాటికి హంగామా ఏ రేంజ్ లో ఉంటుందో అనుకుంటున్నారు అభిమానులు.



Like Us on Facebook : https://www.facebook.com/Tupakidotcom/