'గురు'ని చిరు ఎందుకు చూశారంటే

మెగాస్టార్ చిరంజీవి.. విక్టరీ వెంకటేష్ నటించిన గురు సినిమా చూశారనే న్యూస్ ఇప్పుడు హాట్ టాపిక్ అయింది. సహజంగా ఫైనల్ ఎడిట్ పూర్తయిన తర్వాత.. కలర్ ల్యాబ్ లోనే.. సినిమాలు చూస్తుంటారు చిరు. తనను అడిగితే కొన్ని మార్పులు కూడా చెబుతుంటారు.

కానీ గురు మూవీని సెన్సార్ పూర్తయిన తర్వాత.. అది కూడా రిలీజ్ డేట్ ఇచ్చేసిన తర్వాత చిరు చూశారన్న న్యూస్ స్ప్రెడ్ అయింది. అయితే.. ఇదేమీ సలహాలు ఇచ్చేందుకు కాకపోవడం విశేషం. కొన్ని ప్రశ్నలు సిద్ధం చేసుకోవడానికి మాత్రమే చిరంజీవి ఆ సినిమాని తిలకించారు. ప్రస్తుతం మెగాస్టార్ మీలో ఎవరు కోటీశ్వరుడు గేమ్ షోను హోస్ట్ చేస్తున్నారు. ఈ కార్యక్రమంలో కమర్షియల్ లింక్ ఉంటుందనే సంగతి ఓపెన్ సీక్రెట్. వచ్చే శుక్రవారం రిలీజ్ అవుతున్న గురు చిత్రం ప్రమోషన్స్ లో భాగంగా.. మీలో ఎవరు కోటీశ్వరుడు కార్యక్రమానికి గెస్ట్ గా రానున్నాడు వెంకీ.

మరి కొత్త సినిమా గురించి కబుర్లు చెప్పాలన్నా.. క్వశ్చన్స్ అడగాలన్నా ఆ సినిమా చూడాలి కదా. అందుకే గురు మూవీ చూశారు చిరు. ఇప్పటికే ఈ కార్యక్రమానికి నాగ్ గెస్ట్ గా ఓ సారి వచ్చారు. ఇప్పుడు వెంకీ కూడా రాబోతోన్నాడు. ఇక బాలయ్య కూడా వచ్చేస్తే.. ఎంఈకే లేటెస్ట్ సిరీస్ సంథింగ్ స్పెషల్ గా మిగిలిపోయినట్లే. మీలో ఎవరు కోటీశ్వరుడు లాస్ట్ ఎపిసోడ్ కి బాలయ్యను తీసుకురానున్నారని టాక్.

Like Us on Facebook : https://www.facebook.com/Tupakidotcom/