సర్దార్‌ ను విజిట్‌ చేసిన శంకర్‌ దాదా

ఆ మధ్యన పవర్‌ స్టార్‌ పవన్‌ కళ్యాన్‌ సొంతంగా జనసేన పార్టీ పెట్టినప్పటినుండీ.. ఫ్యామిలీతో కాస్త దూరం పాటిస్తున్నారనే రూమర్‌ ఉండనే ఉంది. దానికి తగ్గట్లే.. పవన్‌ అండ్‌ మిగతా మెగా హీరోలు ఎప్పుడూ ఒకటే వేదికపై కనిపించట్లేదు. అయితే వీటన్నింటినీ పటాపంచలు చేస్తూ.. ఆ మధ్యన సర్దార్‌ గెటప్‌ లోనే అన్నయ్య చిరంజీవి ఇంటికి వెళ్ళి మరీ బర్త్‌ డే శుభాకాంక్షలు తెలిపాడు వపన్‌. ఇప్పుడు మరి అన్నయ్య వంతొచ్చింది.

ఈ మధ్య కాలంలో పవన్‌ కు దెబ్బ తగిలిందని.. ఓ పూట పాటు సర్దార్‌ గబ్బర్‌ సింగ్‌ షూటింగ్‌ ఆపుజేశారనే న్యూస్‌ వచ్చిన సంగతి తెలిసిందే. అయితే ఇవన్నీ కదిలించాయో ఏమో తెలియదుకాని.. అసలు సర్దార్‌ స్పాట్‌ దగ్గర ఏం జరుగుతుందో చూడ్డానికి నిన్న సాయంత్రం మెగాస్టార్‌ తన తమ్ముడి సెట్‌ కు విచ్చేశారు. అందరినీ పలకరించి షూటింగ్‌ ఎలా వస్తోందో గమనించారు. పవన్‌ తో పాటు నిర్మాత శరత్‌ మరార్‌.. దర్శకుడు బాబీలతో మాట్లాడి.. అవుట్‌ పుట్‌ ఎలా వస్తుందో వాకబు చేశారట. అలాగే పవన్‌ హెల్త్‌ కూడా సరిగ్గా చూసుకోమని చెప్పారట శంకర్‌ దాదా.

ఇక సడన్‌ గా చిరంజీవి తమ సెట్‌ కు రావడంతో.. సర్దార్‌ టీమ్‌ కూడా ఫుల్‌ ఎక్సయిటింగ్‌ గా ఉంది. గతంలో ఓ రూమర్‌ వచ్చింది గుర్తుందా? పవన్‌ సినిమాలో చిరంజీవి ఒక చిరు రోల్‌ చేస్తున్నారని. కొంపతీసి నిజమే అంటారా?