అన్నయ్యనే ఫాలో అవుతున్నాడుగా..

అన్నయ్య ఏం చేస్తే యాజిటీజ్ గా అదే ఫాలో అయిపోతున్నాడు పవన్ కళ్యాణ్‌. అన్నయ హీరో.. తనూ హీరో అయ్యాడు. అన్నయ్య సేవా కార్యక్రమాలు అంటే తను కూడా అవే మొదలెట్టాడు. అన్నయ్య పొలిటికల్ పార్టీ పెడితే.. ఇప్పుడు తను కూడా సొంతంగా ఒకటి పెట్టుకున్నాడు. అలాగే నిన్న మెగాస్టార్ చిరంజీవి కళాతపస్వి విశ్వనాథ్ ను కలసి ప్రత్యేక కృతజ్ఞతలు చెప్పారు కాబట్టి.. ఇప్పుడు పవన్ కూడా అదే ఫాలో అయిపోయాడు.

ఈరోజు ఉదయం తన స్నేహితుడు త్రివిక్రమ్ తో కలసి కె.విశ్వనాథ్‌ ఇంటికి వెళ్ళాడు పవన్. ఆయన్ని శాలువాతో సత్కరించి అభినందనలు తెలిపిన తరువాత... కాసేపు ముచ్చటించారు. ఆ తరువాత మీడియాతో మాట్లాడిన పవన్.. తనకు కె.విశ్వనాథ్ సినిమాలంటే ఎంతో ఇష్టమని తెలియజేశారు. ''విశ్వనాథ్‌ గారు తీసిన సినిమాల్లో శంకారభరణం.. శుభలేఖ.. స్వాతిముత్యం.. స్వయంకృషి నాకు చాలా ఇష్టమైన సినిమాలు. ఆయన సినిమాలను ఎవరైనా స్పెషల్ ఎడిషన్ రిలీజ్ చేస్తే బాగుంటుందని అనుకుంటున్నాను'' అని తెలపాడు పవన్.

మొత్తానికి తనకు ఇష్టమైన విశ్వనాథ్‌ సినిమాల్లో కూడా రెండు అన్నయ్య చిరంజీవి సినిమాల పేర్లనే చెప్పాడుగా.

Like Us on Facebook : https://www.facebook.com/Tupakidotcom/