ఎనర్జిటిక్ స్టార్ అలా..అంటున్న ఛార్మీ

పూరి జగన్నాధ్ డైరెక్షన్లో ఎనర్జిటిక్ స్టార్ రామ్ హీరోగా తెరకెక్కుతున్న చిత్రం 'ఇస్మార్ట్ శంకర్'. ఈ సినిమాకు పూరి జగన్నాధ్.. ఛార్మీ నిర్మాతలు. ముఖ్యంగా ఛార్మీనే ఈ సినిమా నిర్మాణ బాధ్యతలను చూసుకుంటోంది. ఈ సినిమాకు సంబంధించిన అప్డేట్స్ ను తన సోషల్ మీడియా ఖాతాల ద్వారా పంచుకుంటూ అభిమానులతో నిత్యం టచ్ లో ఉంటోంది.

తాజాగా ఛార్మీ ఒక ఆన్ లొకేషన్ స్టిల్ ను తన ట్విట్టర్ ఖాతా ద్వారా షేర్ చేసింది. ఈ ఫోటోతో పాటు "ఫోన్ కు డబల్ సిమ్ కార్డ్.. హీరోకు డబల్ దిమాక్. ఇస్మార్ట్ శంకర్ సెట్లో రామ్ తో." అంటూ ట్వీట్ చేసింది. ఫోటోలో రామ్ ఛార్మీతో ఏదో సీరియస్ గా డిస్కస్ చేస్తున్నాడు. మరి హీరోగారు తన టాలెంట్ తో ఛార్మీని ఫుల్ గా ఇంప్రెస్ చేసినట్టున్నారు అందుకే అలా కాంప్లిమెంట్ ఇచ్చింది. ఈ సినిమాలో రామ్ డబల్ దిమాక్ హైదరాబాదీ పాత్రలో నటిస్తున్న సంగతి తెలిసిందే.

ఇప్పటికే ఇంట్రెస్టింగ్ ప్రోమోస్ తో 'ఇస్మార్ట్ శంకర్' టీమ్ ప్రేక్షకుల్లో సినిమాపై ఆసక్తిని పెంచింది. మరి పూరి జగన్నాధ్ ఈ సినిమాతో మళ్ళీ ఫామ్ లోకి వస్తాడా.. రామ్ కు ఒక ఇస్మార్ట్ హిట్ ఇస్తాడా అనేది వేచి చూడాలి. ఈ సినిమాలో రామ్ సరసన నిధి అగర్వాల్.. నభా నటేష్ హీరోయిన్లుగా నటిస్తున్నారు. ఈ చిత్రం జూలై 12 న రిలీజ్ కు సిద్ధం అవుతోంది.