ఐటెం మిస్సైనా నెగెటివ్ రోల్ ఉందిగా

క్యాథరీన్ త్రెసా అలెగ్జాండర్.. మాంచి హాట్ లేడీగా మనకు సుపరిచితమే. ఒక్కడ బ్యాక్ టు బ్యాక్ ఇద్దరమ్మాయిలతో.. సరైనోడు వంటి మెగా మూవీస్ లో నటించేశాక అమ్మడికి ఏకంగా ఖైదీ నెం 150లో ఐటెం సాంగ్ చేయమని ఆఫర్ ఇచ్చారు. కాని బ్యాడ్ లక్ ఏంటంటే.. అమ్మడికి ఆ ఆఫర్ ఎంత ఫాస్టుగా వచ్చిందో అంతే ఫాస్టుగా మిస్సయ్యింది. అయితే ఆ ఐటెం మిస్సయినా కూడా పెద్దగా బాధేం లేదని అంటోంది ఈ మల్లూ సుందరి.

ఇప్పుడు రానా దగ్గుబాటి హీరోగా తేజ రూపొందిస్తున్న ''నేనే రాజు నేనే మంత్రి'' సినిమాలో కాజల్ అగర్వాల్ తో పాటు ఈమె కూడా ఒక హీరోయిన్ గా నటిస్తోంది. అయితే ఈ సినిమాలో అమ్మడు చేసేది పూర్తి స్థాయి నెగెటివ్ రోల అట. ఒక రాజకీయ నాయకురాలిగా రానాను దెబ్బకొట్టే పాత్రలో మెరవనుందని తెలుస్తోంది. ఇదే విషయం క్యాథరీన్ దగ్గర ప్రస్తావిస్తే.. అమ్మడు ఏమంటోందంటే.. ''మామూలు కమర్షియల్ హీరోయిన్ గా ఎన్ని పాత్రలు చేసినా కూడా ఒకటే. అదే ఒక నెగెటివ్ రోల్ వస్తే మాత్రం.. మన టాలెంట్ చూపించడానికి చాలా స్కోప్ ఉంటుంది. అందుకే ఈ రోల్ పై నేను ఫుల్ కాన్ఫిడెంటుగా ఉన్నాను'' అంటూ చెప్పొకొచ్చింది.

ఇప్పటివరకు కేవలం గ్లామర్ ఆరబోతమీదనే ఫోకస్ చేసిన క్యాథరీన్.. ఇప్పుడు యాక్టింగ్ టాలెంట్ చూపించాలని గెత ఉవ్విళ్ళూరుతోంది. చూద్దాం మరి ఏమవుతుందో!!

Like Us on Facebook : https://www.facebook.com/Tupakidotcom/