బ్రహ్మోత్సవం టీజర్‌ ఎందుకు మిస్సయ్యింది?

టాలీవుడ్ సూపర్ స్టార్ మహేష్ బాబు నటించిన బ్రహ్మోత్సవం చిత్రానికి ఉగాది స్పెషల్ గా.. అభిమానులకు ఓ గిఫ్ట్ ఇచ్చారు. ఓ పోస్టర్ రిలీజ్ చేసి.. మహేష్ లుక్ ని మరోసారి చూపించారు. పాదాలకు నమస్కారం చేస్తున్నట్లుగా సూపర్ స్టార్ ని చూపించి, కేరక్టర్ ని కూడా ఇంట్రడ్యూస్ చేసే యత్నం చేశారు.

అసలు బ్రహ్మోత్సవంకు ఉగాది పండుగ నాడు ఓ స్పెషల్ టీజర్ విడుదల చేస్తామని చెప్పారు. కానీ టీజర్ కు బదులు కేవలం ఒక పోస్టర్ తోనే సరిపెట్టేయడం ఆశ్చర్యకరమే. కానీ అసలు విషయం ఇక్కడే బయటపడుతోంది. బ్రహ్మోత్సవం ఔట్ పుట్ పై ఇప్పటికే చాలా అనుమానాలున్నాయి. డైరెక్టర్ శ్రీకాంత్ అడ్డాల సినిమా తీస్తున్న తీరుపై.. మహేష్ అసంతృప్తిలో ఉన్నాడన్నది ఇండస్ట్రీ టాక్. ఇప్పుడు టీజర్ ఇస్తామని చెప్పి ఇవ్వలేకపోవడం అంటే.. అది ఖచ్చితంగా ప్లానింగ్ లోపమే. సినిమా కూడా అనుకున్న మేర కంప్లీట్ కాలేదని చెప్పుకుంటున్నారు. ఆడియో వరకు రిలీజ్ చేయగలిగినా.. అనుకున్న సమయానికి విడుదల చేయడం కష్టమనే టాక్ వినిపిస్తోంది.

టీజర్ నే టైంకి ఇవ్వలేనపుడు.. సినిమాను స్క్రీన్ ల పైకి ఎలా తెస్తారనే క్వశ్చన్ కి మహేష్ అండ్ టీం ఎలాంటి ఆన్సర్ ఇస్తారో?