మహేష్ పండగ.. ఆ రేంజ్ లో ప్లాన్ చేశారు

టాలీవుడ్ సూపర్ స్టార్ మహేష్ బాబు బ్రహ్మోత్సవం.. తుది మెరుగలకు సిద్ధమవుతోంది. వచ్చే నెలలో రిలీజ్ కానున్న ఈ చిత్రానికి.. ఈనెల 24న తిరుపతిలో భారీ ఎత్తున ఆడియో రిలీజ్ వేడుక నిర్వహిస్తున్నారు. సినిమా కథకు - టైటిల్ కు వెంకన్న బ్రహ్మోత్సవాలతో ఉన్న సంబంధం కారణంగానే.. ఈ మూవీకి సంబంధించిన ప్రధానమైన కార్యక్రమాలను తిరుపతిలోనే జరుపుతున్నారు.

వెంకన్న సన్నిధిలో జరగనున్న ఆడియో వేడుకను.. మహేష్ అభిమానులు కలకాలం గుర్తుంచుకునే స్థాయిలో జరపాలని బ్రహ్మోత్సవం నిర్మాతలు నిర్ణయించారు. ఇందుకు తగ్గట్లుగానే ఏర్పాట్లు జరుగుతున్నాయని టాక్. సినీ ఇండస్ట్రీ దిగ్గజాలే కాకుండా పలువురు బడా రాజకీయ నాయకులు కూడా ఈ ఫంక్షన్ కు హాజరు కానున్నారని తెలుస్తోంది. టెంపుల్ సిటీలో జరుగుతున్న కార్యక్రమం కావడంతో.. ఎటువంటి అవాంఛనీయ సంఘటనలు జరగకుండా.. చాలానే జాగ్రత్తలు తీసుకుంటోంది నిర్మాణ సంస్థ పీవీపీ.

బ్రహ్మోత్సవంలో మహేష్ బాబు సరసన సమంత - కాజల్ - ప్రణీతలు హీరోయిన్లుగా నటించగా.. మిక్కీ జే మేయర్ సంగీతం అందిస్తున్నాడు. శ్రీకాంత్ అడ్డాల దర్శకత్వంలో రూపొందుతున్న ఈ మూవీపై టాలీవుడ్ లో లెక్కకు మించిన అంచనాలు ఉన్నాయి. మే మూడవ వారంలో బ్రహ్మోత్సవం విడుదలయ్యే అవకాశాలు ఉన్నాయి.