బాలీవుడ్‌ స్టార్స్ అందరికీ మనవాళ్లే కావాలట!

బాలీవుడ్‌ సూపర్ స్టార్ షారుఖ్ ఖాన్‌ చేస్తున్న జవాన్ సినిమాకు సౌత్ దర్శకుడు అట్లీ దర్శకత్వం వహిస్తుండగా.. తమిళ దర్శకుడు శంకర్ త్వరలోనే హిందీలో అపరిచితుడు ను చేయబోతున్న విషయం తెల్సిందే.

రణ్ వీర్ సింగ్ హీరోగా హిందీ అపరిచితుడు తమిళ దర్శకుడు శంకర్ దర్శకత్వంలో రూపొందుతోంది. సల్మాన్ ఖాన్‌ కూడా ఒక సౌత్ దర్శకుడితో సినిమాను చేసేందుకు సిద్ధం అవుతున్నాడు.

ఇక హృతిక్‌ రోషన్‌ ప్రధాన పాత్రలో నటిస్తున్న విక్రమ్‌ వేదా రీమేక్ కు కూడా దర్శకత్వం ను మన సౌత్‌ దర్శకులు చేస్తున్న విషయం తెల్సిందే. ఈ స్టార్స్ మాత్రమే కాకుండా మరి కొందరు బాలీవుడ్ స్టార్స్ కూడా సౌత్‌ సినిమాల్లో నటించేందుకు ఆసక్తిగా ఉన్నారు.. అంతే కాకుండా సౌత్‌ దర్శకులతో వర్క్ చేసేందుకు సిద్ధంగా ఉన్నారు అంటూ వార్తలు వస్తున్నాయి.

ఒకప్పుడు సౌత్‌ దర్శకులు అంటే చిన్న చూపు చూసిన బాలీవుడ్‌ స్టార్‌ హీరోలు ఇప్పుడు టైమ్ కల్పించుకుని మరీ సౌత్‌ దర్శకులతో వర్క్ చేసేందుకు సిద్ధం అవుతున్నారు. తమిళ సినిమా లు పదుల కోట్ల నుంచి వందల కోట్ల దిశగా పరుగులు తీస్తున్న ఈ సమయంలో బాలీవుడ్ సినిమాల యొక్క వసూళ్లు దారుణంగా పడిపోయాయి. కనుక సౌత్‌ దర్శకులతో వర్క్ చేసేందుకు ఆసక్తిగా ఉన్నారు.

బాలీవుడ్‌ లో ఇద్దరు ముగ్గురు హీరోలు డాషింగ్ డైరెక్టర్ పూరి జగన్నాథ్‌ దర్శకత్వంలో సినిమాను చేసేందుకు సిద్ధంగా ఉన్నారంటూ వార్తలు వస్తున్నాయి. త్వరలోనే ఒక హిందీ సినిమా ను పూరి జగన్నాథ్ మొదలు పెట్టే అవకాశాలు ఉన్నాయి. ఇంకా కొందరు బాలీవుడ్‌ స్టార్‌ హీరోలు మరియు నటీ నటులు కూడా సౌత్ దర్శకుల దర్శకత్వం లో సౌత్‌ సినిమా ల్లో కూడా నటించేందుకు ఓకే చెబుతున్నారు.

మొత్తానికి ఒక బాహుబలి.. ఆర్‌ ఆర్ ఆర్‌.. కేజీఎఫ్.. పుష్ప.. ఇప్పుడు కార్తికేయ 2 వంటి సినిమాల వల్ల మన సౌత్ దర్శకుల క్రేజ్‌ విపరీతంగా పెరిగింది. ముందు ముందు కూడా సౌత్ దర్శకులు బాలీవుడ్‌ లో సినిమాలను చేయడం.. బాలీవుడ్‌ లో మన సౌత్‌ దర్శకులు చేసిన ఇక్కడి భాష సినిమాలు కుమ్మేయడం మనం చూడబోతున్నాం అంటూ విశ్లేషకులు అభిప్రాయం వ్యక్తం చేస్తున్నారు.