మళ్లీ టాలీవుడ్ వస్తున్న భావన

గత కొన్ని వారాలుగా మలయాళ హీరోయిన్ భావన పేరు వివాదంతో ముడిపడే వార్తల్లో వినిపిస్తోంది. తనపై వచ్చిన రూమర్స్ లో తాను అబార్షన్ చేయించుకున్నానని కూడా రాశారంటూ తాజాగా ఓ ఇంటర్వ్యూలో ఆవేదన వ్యక్తం చేసింది భావన. మళ్లీ ఇన్నాళ్లకు ఓ సినిమా గురించిన న్యూస్.. అందులోనూ తెలుగు సినిమాలో నటించబోతోందని తెలుస్తోంది.

జగపతి బాబు లీడ్ రోల్ లో పటేల్ సార్ అనే మూవీ రూపొందుతోండగా.. ఈ చిత్రంలో హీరోయిన్ పాత్రకు భావనను అడిగారట. ఇది పెర్ఫామెన్స్ బేస్డ్ రోల్ కావడంతో.. భావన అయితే సరిగ్గా సరిపోతుందని భావించాడట దర్శకుడు వాసు పరిమి. ఇప్పటికే ఈ కేరక్టర్ కోసం భావనతో దర్శకుడు చర్చించాడు. ఈ పాత్రపై మలయాళీ భామ ఆసక్తి చూపించిందని అంటున్నారు. ప్రస్తుతానికి ఇంకా చర్చలు జరుగుతున్నాయి. అయితే.. ఆమెతో ఈ పాత్రను ఎట్టి పరిస్థితుల్లోనూ చేయించాలని భావిస్తున్నారట దర్శక నిర్మాతలు. అందుకే ఆమెను ఒప్పించేందుకు ప్రయత్నిస్తున్నారని అంటున్నారు.

పటేల్ సార్ లో ప్రధాన పాత్ర కోసం భావనను అప్రోచ్ అయిన విషయమేనని.. ఆమె సన్నిహితులు చెబుతున్నారు. అయితే.. ఇంకా తుది నిర్ణయం తీసుకోలేదని.. ఫైనలైజ్ అయ్యాక భావన స్వయంగా చెబుతుందని అంటున్నారు.

Like Us on Facebook : https://www.facebook.com/Tupakidotcom/