మగాడికి సర్టిఫికేట్ ఇచ్చేశారు..

నాని హీరోగా నటించిన భలే భలే మగాడి వోయ్ సినిమా సెప్టెంబర్ 4న విడుదలవుతోంది. అంటే వచ్చే శుక్రవారమే అన్నమాట. ప్రేక్షకుల కంటే ముందు మరికొంతమందికి ఈ రోజు ఆ సినిమాని చూపించారట. వారం ముందు సినిమా చూసేసిన వారెవరు అని ప్రశ్నల పర్వం మొదలెట్టకండి.. సినిమా సెన్సార్ కెళ్ళింది. అదీ అసలు సంగతి.

సాంతం సినిమా చూసిన సెన్సారు వారు ఈ సినిమాకి క్లీన్ యు సర్టిఫికేట్ ఇచ్చేశారు. నాని సినిమాకి ఇలాంటి సర్టిఫికేట్ వస్తే పెద్దగా ఆశ్చర్యపోవలసింది ఏమీ లేదు. ఎందుకంటే నానికి బుద్ధిమంతుడు అనే ట్యాగ్ లైన్ వుంది. కానీ మారుతి సినిమాకి ఈ సర్టిఫికేట్ ఇచ్చారంటే నోరెల్లబెట్టే వారు చాలామందున్నారు. దానికి కారణం ఆయన ద్వందార్థ సంభాషణలే అన్నది అందరికీ తెలిసిందే. రీసెంట్ గా లావణ్య ఫోటోస్ చూసిన సినీ ప్రేమికులు అంతా మారుతి మహిమే అనుకున్నారు. అయితే ఇప్పటి వరకూ విడుదలైన ప్రచార చిత్రాల్లో చూస్తుంటే అలాంటి అతి ఎక్కడా కనపడటం లేదు మరి. సినిమా కూడా నాని గత సినిమాలలానే సాఫీగా సాగిపోతుందన్నామాట. బన్నీ వాసు, యువి క్రియేషన్స్ కలిసి నిర్మించిన ఈ సినిమా భలే విజయం సాధించాలని కోరుకుందాం. చిత్ర బృందానికి తుపాకీ.కామ్ తరపున ముందస్తు శుభాకాంక్షలు..!