విజయ్ సినిమాకేంటి ఇన్ని కష్టాలు

అసలే సినీ ఇండస్ట్రీని పైరసీ వెంటాడుతోంది. దీనికి లీక్ లు కూడా తోడయ్యాయ్. అందుకే సినిమాలు తీస్తోన్న వారంతా జాగ్రత్తగా ఉంటున్నారు. చిన్న చిన్న వాళ్లే అలర్ట్ అవుతుంటే ఓ పెద్ద హీరో ప్రెస్టిజియస్ ప్రాజెక్ట్ అంటే ఇంకెంత జాగ్రత్తగా ఉండాలి. కానీ తమిళ్ మాస్ హీరో విజయ్ 60వ సినిమా భైరవ విషయంలో మాత్రం ఎక్కడో తేడా కొడుతుంది. భైరవకి సంబంధించి ఎంత సీక్రెట్ మెయింటైన్ చేద్దామన్నా ప్రతీ విషయమూ బయటికొచ్చేసి మేకర్స్ ని ఇబ్బంది పెడ్తోంది.

అసలు సినిమా టైటిల్ అనౌన్స్ దగ్గర్నుంచే #విజయ్60 ని లీక్ లు వెంటాడుతున్నాయ్. సినిమాకి భైరవ అని పేరు పెట్టారనే వార్త మేకర్స్ చెప్పడానికి కన్నా ముందే సోషల్ సైట్స్ లో వచ్చేసింది. దీంతో హీరోయిన్ కీర్తీ సురేష్ చేత అఫిషియల్ గా టైటిల్ అనౌన్స్ చేయించారు. ఇక ఫస్ట్ లుక్ విషయంలోనూ ఇదే రిపీటైంది. దీపావళికి ఫస్ట్ లుక్ ఇస్తామని ప్రకటించారు. కానీ ఈ లోగానే విజయ్ పోస్టర్స్ బయటికి వచ్చేశాయ్. దీంతో చేసేదేమీ లేక అనుకున్న టైమ్ కన్నా ముందే విజయ్ లుక్ ని రిలీజ్ చేశారు.

ఇప్పుడు పాటల విషయంలోనూ అలాగే జరిగింది. నిజానికి భైరవ పాటలు 23న గ్రాండ్ గా రిలీజ్ చేయాలనుకొన్నారు. కానీ తమిళనాడులో సిట్యువేషన్స్ బాగోకపోవడంతో ఈవెంట్ కాన్సిల్ చేసి ఆన్ లైన్లో విడుదల చేస్తామన్నారు. ఈ లోగా ఆడియో రైట్స్ తీసుకొన్న సంస్థ రోజుకో ట్రాక్ పేరు చెబుతూ న్యూ సిల్స్ విడుదల చేస్తామంది. అయితే అంతకన్నా ముందే ట్రాక్స్ వచ్చేశాయ్. ఇక చెప్పిన తేదీకి 3 రోజుల ముందే ఫుల్ ఆల్బమ్ ఐ ట్యూన్స్ లో ప్రత్యక్షమై అందరికీ షాకిచ్చింది. టెక్నికల్ మిస్టేక్ అని చెప్పి ఆడియో కంపెనీ ఫుల్ సాంగ్స్ ని అఫిషియల్ గా రిలీజ్ చేయాల్సింది వచ్చిందిప్పుడు. పాటలు ముందే వచ్చినందుకు సంబరపడ్తోన్న మా హీరో సినిమాకే ఎందుకిలా జరుగుతుందని విజయ్ వీరాభిమానులు కంగారు పడుతున్నారు.

Like Us on Facebook : https://www.facebook.com/Tupakidotcom/