భాగమతిలో చాలా స్పెషల్స్ ఉన్నట్టున్నాయ్

టాలీవుడ్ బ్యూటీ అనుష్క శెట్టి ప్రస్తుతం బాహుబలి2 వర్క్ ను పూర్తి చేసి.. ఇతర ప్రాజెక్టుల షూటింగ్స్ మొదలు పెట్టేసింది. భాగమతి అనే మూవీలో టైటిల్ రోల్ చేస్తోన్న స్వీటీ.. పిల్ల జమీందార్ ఫేమ్ డైరెక్టర్ అశోక్ ఈ చిత్రాన్ని రూపొందిస్తున్నాడు. ప్రస్తుతం ఈ చిత్రం షూటింగ్ ను పూర్తి చేసే పనిలోనే ఉంది అనుష్క.

భాగమతి కోసం ఓ పురాతనమైన ఇంటి సెట్ వేస్తున్నారు. దాదాపు 400 ఏళ్ల క్రితం హౌస్ అనిపించేలా ఈ సెట్ ఉండడం విశేషం. పీరియాడికల్ థీమ్ తో రూపొందుతున్న భాగమతిలో.. ఈ ఇంటి సెట్ కి చాలానే ప్రాధాన్యత ఉంటుందట. సినిమాలో ఎక్కువ భాగం ఈ ఇంటి చుట్టూనే తిరుగుతుందని చెబుతున్నారు. అందుకే ఈ సెట్ విషయంలో బోలెడంత రీసెర్చ్ చేసిన ఆర్ట్ డిపార్ట్ మెంట్.. హైద్రాబాద్ లోని ఓ స్టూడియోలో ఈ సెట్ నిర్మాణం పూర్తి చేశారు. ఆర్ట్ డైరెక్టర్ రవీందర్ రెడ్డి రూపొందించిన సెట్.. యూనిట్ అందరినీ అబ్బురపరిచిందట.

సోషల్ డ్రామా కాన్సెప్ట్ తోనే భాగమతి తెరకెక్కుతున్నా.. పీరియాడికల్ థీమ్ తో కలిపి ఓ అద్భుతమైన సస్పెన్స్ ఎలిమెంట్ ఈ చిత్రంలో ఉంటుందని తెలుస్తోంది. ప్రస్తుతం అనుష్క ఫోకస్ అంతా ఈమూవీపైనే పెట్టనుంది. అయితే.. సైజ్ విషయంలో మాత్రం స్వీటీపై కొన్ని విమర్శలు ఉన్నా.. కెమెరా వర్క్ తో దీన్ని కవర్ చేస్తూ.. సినిమా చేయనున్నారట.