సెకండ్ లుక్: భాగమతి యోగిలా కనిపిస్తోంది

అనుష్క హీరోగా రూపొందిన సినిమా 'భాగమతి'. అంటే అరుంధతి వంటి సినిమాతో రేంజ్ చూపించన అనుష్కను.. దేవసేనగా ఇంప్రెస్ చేసి ప్రేక్షకులను కట్టిపాడేసిన అనుష్కను.. మరి హీరో అనక ఏమనాలి? అయితే ఇప్పుడు ఆమె తన కొత్త సినిమా 'భాగమతి'తో ఇంకెంత మ్యాజిక్ చేస్తోందా అనిపిస్తోంది. అయితే ఇప్పుడు కొత్త లుక్కుతో మళ్లీ కొత్తగా కిక్కిచ్చింది.

ఆల్రెడీ ఫస్ట్ లుక్ పోస్టర్ తో.. అలాగే ఫస్ట్ టీజర్ తో అనుష్క తెగ భయపెట్టేసింది. తన చేతికి తానే శిలువు వేసుకుంటున్నట్లు.. మేకు కొట్టుకుంటన్నట్లు అనుష్క టీజర్ లోచూపించడం ద్వారా.. 'భాగమతి'పై ఎక్కడా లేనంతా అంచనాలు పెరిగిపోయాయ్. అయితే ఇప్పుడు కొత్తగా హ్యాపీ న్యు ఇయర్ అంటూ చెబుతున్న ఒక పోస్టర్లో మాత్రం.. అనుష్క ఏకంగా ఏదో ఒక యోగి తరహాలో ఉంది. ఈ సినిమా కథ.. అనుష్క డ్రెస్సింగ్.. అలాగే ఈ లుక్స్.. చూస్తుంటే ఏమీ అర్దం కావట్లేదు కాని.. దర్శకుడు అశోక్ మాత్రం ఏదో మ్యాజిక్ చేశాడనే అనిపిస్తోంది.

అనేక సినిమాలతో పోటీ పడుతూ.. జనవరి 26న రిలీజ్ అవ్వడానికి భాగమతి సిద్దపడుతోంది. పోటీలో ఉన్న సినిమాలన్నింటికంటే ముందే ఇలా కొత్త తరహాలో పోస్టర్లతో ఇంప్రెస్ చేస్తోంది. బాహుబలి తరువాత అనుష్క కనిపించే సినిమా ఇదే కావడంతో.. ఈ సినిమాపై అంచనాలు బాగానే ఉన్నాయి.