హాలీవుడ్‌ హీరో టాలీవుడ్‌ వచ్చాడు

నిజమే. పొగిడేశాడంటే పొగిడేశాడనే చెప్పాలి కాని.. ఎందుకో బండ్ల గణేష్‌ ఏం మాట్టాడినా కూడా అది బ్లాక్‌ బస్టర్‌ రేంజులోనే ఉంటుంది. అదే అతగాడి స్పెషాలిటీ. అప్పట్లో మనోడు గబ్బర్‌ సింగ్‌ ఆడియో లాంచ్‌ లో పవన్‌ కళ్యాణ్ ను, అలాగే గోవిందుడు అందరివాడేలే సినిమా లాంచ్‌ లో రామ్‌ చరణ్‌ ను, ఇక బద్షా ఆడియో అప్పుడు ఎన్టీఆర్‌ గురంచి ఏ రేంజులో స్పీచుతో దంచేశాడో మనకు తెలిసిందే. ఇప్పుడు అఖిల్‌ ఆడియో లో తన సొంత సినిమా కాకపోయినా ప్రశంసలతో ముంచెత్తాడు బ్లాక్‌ బస్టర్‌ బాబు.

''అక్కినేని అభిమానులందరికీ అక్టోబర్‌ 22న అన్ని పండుగలూ ఒకేసారి వచ్చినట్టుంది. దసరా - దీపావళి - సంక్రాంతి అన్నీ ఒకటే రోజును వచ్చేస్తున్నాయ్‌. ఒక్కో మూమెంట్‌ చూస్తుంటే ఎడిటింగ్‌ రూమ్‌ లో నాకే డ్యాన్స్‌ వేద్దాం అనిపించింది'' అంటూ తన స్పీచ్‌ ను మొదలెట్టాడు గణేష్‌ బాబు. ఇకపోతే మరో హాట్‌ కామెంట్‌ చేసాడండోయ్‌. ''బాహుబలి సినిమాతో టాలీవుడ్‌ స్ఠాయిని హాలీవుడ్‌ కు తీసుకెళ్ళాడు రాజమౌళి. ఇకపోతే హాలీవుడ్‌ సినిమా హీరోను టాలీవుడ్‌ కు తీసుకొచ్చాడు మా వినయ్‌ అన్న'' అంటూ ఆడియన్స్‌ ను కేరింతల్లో ముంచేశాడు. మొత్తానికి నిజాన్ని చెప్పాడులే అఖిల్‌ గురించి...