బాలయ్య 101 : ఆదిత్య 999?

భూత, భవిష్యత్, వర్తమాన కాలాలను కళ్ళకు కట్టినట్టు చూపిస్తూ ఒకవైపు వినోదాన్ని మరొక వైపు విజ్ఞానాన్ని సమపాళ్ళలో అందించిన సినిమా 'ఆదిత్య 369'. సింగీతం శ్రీనివాసరావుగారు ఎందుకు టాలీవుడ్ దర్శకులలో ప్రత్యేకమో చెప్పడానికి ఈ సినిమా ఒక్కటి చాలు. కృష్ణదేవరాయలుగా బాలయ్యబాబు నటన కలలో సైతం మరపురానిది. ఈ సినిమాలో అప్పట్లో వాడిన 'టైం మెషిన్' కాన్సెప్ట్ నే ఇటీవల ఒక హాలీవుడ్ సినిమా వాడిందంటే దర్శకుడి ముందుచూపు అర్ధమవుతుంది.

తమ తమ కెరీర్ లో మైలురాయిగా నిలిచినా ఆదిత్య 369 కి 'ఆదిత్య 999' టైటిల్ తో ఒక సీక్వెల్ రానుందని అప్పట్లో వార్తలు వినిపించాయి. అయితే సింగీతం గారి తాజా సినిమా ఫ్లాప్ అవ్వడంతో ఈ ప్రాజెక్ట్ కాస్తా అటకెక్కింది. కానీ ఇప్పుడు అదిరిపోయే స్క్రిప్ట్ ని శ్రీనివాసరావు గారు బాలయ్యకి వినిపించారని, ఆయన సైతం నమ్మకం చూపారని ఫిలింనగర్ లో టాక్.. ప్రస్తుతం డిక్టేటర్, ఆపై 100వ సినిమాతో లాక్ అయిన బాలయ్య బాబు 101వ సినిమాగా ఈ ఆదిత్య 999 వుంటుందని సమాచారం. మరిన్ని వివరాలకోసం మా సైట్ చదువుతూ వుండండి.