అల్లరి నరేష్ కు ఆడపిల్ల పుట్టింది

బహుశా టాలెంటెడ్ హీరో అల్లరి నరేష్‌ దశ తిరిగే టైమొచ్చినట్లుంది. కలిసొచ్చే కాలమొస్తే నడిచొస్తే మహాలక్ష్మి ఇంటికొచ్చినట్లు.. ఇప్పుడు అల్లరి నరేష్‌ తండ్రయ్యాడు. పండంటి ఆడపిల్లకు ఆయన సతీమణి విరూప జన్మనిచ్చింది.

గత సంవత్సరం మే 29న చెన్నయ్ కు చెందిన ఆర్కిటెక్ట్ విరూపను పెళ్ళిచేసుకున్నాడు నరేష్‌. ఈ నవ దంపతులకు ఈరోజు మధ్యాహ్నం ఒక ప్రముఖ కార్పొరేట్ హాస్పిటల్ లో పండంటి ఆడపిల్ల జన్మించింది. ఈ విషయం తెలియేజేసిన నరేష్‌ ''భూమ్మీద బ్రతికున్న అత్యంత లక్కీ అండ్ హ్యాపీ మ్యాన్ నేను. పండంటి ఆడపిల్ల జన్మించడం అంటే అద్భుతమే'' అంటూ సెలవిచ్చాడు. మొత్తానికి మనోడి ఆనందానికి హద్దుల్లేవు.

టాలీవుడ్ యువ హీరోలందరూ ఒక్కొక్కరు వరుసగా పెళ్ళిళ్లు చేసుకోవడమే కాదు.. ఇలా వరుసగా తండ్రులు కూడా అవుతున్నారు. ఎనీవే.. కంగ్రాట్స్ నరేష్‌ అండ్ విరూప.

Like Us on Facebook : https://www.facebook.com/Tupakidotcom/