ఐమ్యాక్స్ ఫార్మాట్‌ లో బాహుబలి2

జక్కన్న చెక్కిన బాహుబలి ది కంక్లూజన్ రిలీజ్ కి రెడీ అయిపోతోన్న సంగతి తెలిసిందే. తాజాగా రిలీజ్ అయిన ట్రైలర్.. యూట్యూబ్ రికార్డుల అంతు చూసేస్తోంది. మరోవైపు ఏప్రిల్ 28న బాహుబలి 2 విడుదల కానుండగా.. ఈ మూవీతో మరో రికార్డు కొట్టేయబోతున్నాడు రాజమౌళి.

బాహుబలి ది కంక్లూజన్ ను.. ఐమ్యాక్స్ వెర్షన్ కూడా అదే రోజున రిలీజ్ చేయనున్నారు. మన దేశంలో ఇలా ఐమ్యాక్స్ ఫార్మాట్ లో విడుదలయ్యే సినిమాలు చాలా తక్కువ. గతంలో ధూమ్3 ఇలా రిలీజ్ కాగా.. ప్రేక్షకులకు బిగ్ స్క్రీన్ పై చూసే అవకాశం కల్పించడం కోసం.. ఐమ్యాక్స్ వెర్షన్ కూడా రెడీ చేస్తున్నాడు రాజమౌళి. తెలుగులో ఈ ఫార్మాట్ లో సిద్ధమవుతున్న తొలి సినిమా ఇదే కావడం విశేషం. ప్రేక్షకులకు కొత్త అనుభూతిని అందించేందుకు.. ఐమ్యాక్స్ వెర్షన్ అందిస్తున్నామని చెప్పాడు రాజమౌళి.

బాహుబలి 2 లాంటి ఎపిక్ డ్రామాను.. ఐమ్యాక్స్ లో చూడడం అద్భుతమైన అవకాశం అంటున్నాయి ఐమ్యాక్స్ సంస్థ వర్గాలు. స్థానిక భాషల్లో బ్లాక్ బస్టర్ సినిమాను.. అందించడం తమకు కూడా గొప్ప విషయంగా చెబుతున్నారు.

Like Us on Facebook : https://www.facebook.com/Tupakidotcom/