బాహుబలి దెబ్బకి క్వీన్ మీద పోస్తున్నారు

తెలుగు దర్శకుల దగ్గర కంటెంట్ ఉంది కాబట్టి.. జనాలు కాసుల వర్షం కురిపించారు కాబట్టి.. ఇప్పుడు తెలుగు డైరక్టర్స్ కోసం ఏమైనా చేయొచ్చు అన్నట్లుంది పరిస్థితి. బాలీవుడ్ పెద్ద చేపలన్నీ ఇప్పుడు తెలుగు దర్శకులపైనే కన్నేశాయి. పెద్ద స్టార్ హీరోల నుండి మల్టీ మిలియనీర్ కార్పొరేట్ ప్రొడక్షన్ కంపెనీల వరకు.. అన్నీ కూడా తెలుగు డైరక్టర్లకు అడిగింది ఇచ్చేశాలా ఉన్నాయి.

మొన్న సాయంత్రం కాశీ విశ్వనాథుని సాక్షిగా గంగలో మునకేసి మరీ రాణి ఝాన్సీ లక్ష్మీబాయ్ జీవిత కథను ''మణికర్ణిక'' అనే టైటిల్ తో తెరకెక్కించడానికి తెరలేపారు. అయితే ఈ సినిమాకు ముందుగా అనుకున్న దర్శకుడు వేరు. కాని గౌతమిపుత్ర శాతకర్ణి సక్సెస్ కొట్టాక.. బాహుబలి సక్సెస్ తాలూకు సెగలు తాకాక.. ఒక తెలుగు దర్శకుడు అయితే బెటర్.. అని క్రిష్‌ ను తీసుకున్నారు. అసలు ఆల్రెడీ ఎప్పుడో రెడీ అయిన కథకు.. ఇప్పుడు వి.విజేయంద్ర ప్రసాద్ ను తీసుకోవడానికి కూడా ఈ బాహుబలి 2 సక్సెసే కారణం.

అంతేకాదు.. జీ నెట్వర్క్ బాబులు ఈ సినిమాపై భారీ పెట్టుబడి పోసేయడానికి సిద్దంగా ఉన్నారట. అసలు 'క్వీన్' బ్యూటిపై ఎంత పెట్టొచ్చు అన్న సందిగ్దంలో ఉన్నప్పుడు.. తెలుగు దర్శకుల స్థాయి చూసి ఎంతైనా పెట్టొచ్చు అనే పరిస్థితికి వచ్చేశారటలే. అది సంగతి.

Like Us on Facebook : https://www.facebook.com/Tupakidotcom/