అవసరాల ఇంకోటి లైన్ లో పెట్టాడు

అష్టాచెమ్మాతో యాక్టర్ గా పరిచయమైన శ్రీనివాస్ అవసరాల.. డైరెక్టర్ గా కూడా ప్రూవ్ చేసుకున్నాడు. ఊహలు గుసగుసలాడే అంటూ తొలి మూవీతో మంచి సక్సెస్ నే సాధించన ఈ డైరెక్టర్ కం యాక్టర్.. ఇప్పుడు మరో సినిమాను వేగంగా పూర్తి చేస్తున్నాడు

జ్యో అచ్యుతానంద అనే టైటిల్ పై నారా రోహిత్ - నాగ శౌర్య ప్రధాన పాత్రల్లో తెరకెక్కుతున్న మూవీలో హీరోయిన్ గా రెజీనా కసాండ్రా కనిపించనుంది. సాయి కొర్రపాటి నిర్మాణంలో వారాహి చలన చిత్రం బ్యానర్ పై రూపొందుతుండగా.. అవసరాల తీసిన మొదటి సినిమా కూడా ఇదే నిర్మాతకు కావడం విశేషం. ఈ ప్రాజెక్టు పూర్తి కాగానే కొత్త సినిమా ప్రారంభించేందుకు ఏర్పాట్లు జరుగుతున్నాయి.

ఇటు యాక్టర్ గా బిజీగా ఉంటూనే.. అటు దర్శకుడిగా కూడా వరుసగా సినిమాలు చేసేలా శ్రీనివాస్ అవసరాల ప్లానింగ్ చేసుకుంటున్నాడు. ఇప్పటివరకూ ఇతను తీసిన రెండు సినిమాలు కుర్ర హీరోలతోనే కాగా.. మూడో మూవీ కూడా యంగ్ హీరోతోనే అని తెలుస్తోంది. అయితే.. ఊహలు గుసగుసలాడే - జ్యో అచ్యుతానంద.. ఈ రెండు చిత్రాల్లో కనిపించిన నాగశౌర్యనే మళ్లీ తీసుకుంటాడా.. లేదా అన్నది తెలియాల్సి ఉంది. అయితే.. అవసరాల శ్రీనివాస్ తన కొత్త చిత్రాన్ని అభిషేక్ పిక్చర్స్ కోసం తీస్తుండడం విశేషం.