మనోజ్ ఎప్పుడు ‘అటాక్’ చేస్తాడంటే..

షార్ట్ ఫిలిమ్స్ తీసినంత ఈజీగా సినిమాలు తీసేస్తుంటాడు రామ్ గోపాల్ వర్మ. ఆయన ఫస్ట్ కాపీ రెడీ చేసిన సినిమాలు మూడో నాలుగో ఉన్నాయి. కానీ ఏది ఎప్పుడు రిలీజవుతుందన్నదే తెలియడం లేదు. ఆయన పూర్తి చేసిన సినిమాల్లో అత్యంత ఆసక్తి రేపుతున్నది ‘అటాక్’ మూవీనే. మంచు మనోజ్ - జగపతి బాబు - ప్రకాష్ రాజ్ - వడ్డే నవీన్.. ఇలాంటి విలక్షణమైన కాంబినేషన్ లో వర్మ సినిమా తీయడంతో దానిపై జనాల్లో మంచి ఆసక్తి నెలకొంది.ఇప్పటికే ఈ సినిమాకు సంబంధించి రెండు ట్రైలర్లు రిలీజ్ చేశాడు వర్మ. కానీ రిలీజ్ సంగతే తేల్చట్లేదు.

బిజినెస్ విషయంలో ఇబ్బందులున్నాయో.. ఇంకేదైనా సమస్య ఉందో కానీ.. సినిమా మాత్రం బాగా లేటవుతోంది. దీంతో ఫ్రస్టేట్ అయిన మనోజ్ ఫ్యాన్స్.. ట్విట్టర్ లో అతణ్ని పదే పదే రిలీజ్ డేట్ గురించి అడుగుతున్నాడు. ఐతే కొన్నాళ్లుగా సైలెంటుగా ఉన్న మనోజ్.. ఎట్టకేలకు నోరు విప్పాడు. డిసెంబర్ లో సినిమా విడుదలవుతుందని వెల్లడించాడు. డేట్ త్వరలోనే చెబుతామన్నాడు. ఇందులో మనోజ్ సరసన సురభి హీరోయిన్ గా నటించింది. ‘రక్తచరిత్ర’ తరహాలో గ్యాంగ్ వార్స్ నేపథ్యంలో వర్మ ఈ సినిమా తీశాడు. మరోవైపు వర్మ తీసిన ‘కిల్లింగ్ వీరప్పన్’ కూడా డిసెంబర్ లోనే ప్రేక్షకుల ముందుకొచ్చే అవకాశాలున్నాయి.