సూపర్ స్టార్ మేనల్లుడు.. సినిమా ఫిక్స్

సూపర్ స్టార్ మహేష్ బాబు మేనల్లుడు అశోక్ గల్లా టాలీవుడ్ లో హీరోగా ఎంట్రీ ఇవ్వాలనే ఆలోచనలో ఉన్న సంగతి తెలిసిందే. టీడీపీ ఎంపీ గల్లా జయదేవ్ కుమారుడైన అశోక్ డెబ్యూ సినిమాకు గతంలో ప్రయత్నాలు జరిగాయి కానీ ఆ సినిమా ఆగిపోయింది. దిల్ రాజు నిర్మాణంలో 'ఆడు మగాడ్రా బుజ్జి' ఫేమ్ కృష్ణారెడ్డి దర్శకత్వంలో ఆ సినిమా తెరకెక్కాల్సింది కానీ ఆ సినిమా ఆగిపోవడంతో తర్వాత అశోక్ డెబ్యూ గురించి వార్తలేమీ రాలేదు.

తాజా సమాచారం ప్రకారం అశోక్ గల్లా కు కొత్త ప్రాజెక్ట్ ఫిక్స్ అయిందట. 'భలే మంచి రోజు'.. 'శమంతకమణి'.. 'దేవదాస్' సినిమాలను రూపొందించిన శ్రీరామ్ ఆదిత్య ఈ డెబ్యూ హీరో సినిమాకు దర్శకత్వం వహిస్తాడట. ఈ సినిమాలో అశోక్ కు జోడీగా ఇస్మార్ట్ బ్యూటీ నిధి అగర్వాల్ ను ఎంపిక చేశారట. ఈ సినిమాను నవంబర్ 10 వ తారీఖున లాంచ్ చేస్తున్నారట. ఈ సినిమాకు సంబంధించిన పూర్తి వివరాలు త్వరలో వెల్లడవుతాయి.

సూపర్ స్టార్ కృష్ణ ఫ్యామిలీలో నటులకు కొదవేమీ లేదు. ఈ జెనరేషన్లో మహేష్ సూపర్ స్టార్ గా కొనసాగుతున్నారు. మరోవైపు మహేష్ బావ సుధీర్ బాబు కూడా హీరోగా తన సత్తా చాటుతున్నారు. మరి ఇదే బాటలో మహేష్ మేనల్లుడు అశోక్ కూడా ప్రేక్షకులను మెప్పిస్తాడో లేదో వేచి చూడాలి.