‘సంజనా బెయిల్​’ మరో ట్విస్ట్​

తనకు ఆరోగ్యం బాగాలేదని, ఆస్తమా ఉందని.. ఈ చలికాలంలో అది మరింత పెరిగే అవకాశం ఉంది కాబట్టి బెయిల్​ ఇవ్వాలని సంజనా గల్రానీ కోర్టును అభ్యర్థించారు. కన్నడ నటి సంజన డ్రగ్స్​కేసులో అరెస్టయిన విషయం తెలిసిందే. అయితే ప్రస్తుతం ఆమె విచారణ ఖైదీగా ఉన్నారు. సంజనా ఇప్పటికే బెయిల్​ కోసం రెండు సార్లు పిటిషన్​ను దాఖలు చేశారు. కానీ ఆమె అభ్యర్థనను కోర్టు తిరస్కరించింది. అయితే తాజగా కోర్టు మాత్రం సంజనకు ఆరోగ్య పరీక్షలు చేయాలని ఆదేశించింది. వాణి విలాస్​ వైద్యశాలలో ఆమెకు పరీక్షలు నిర్వహించాలని కోర్టు జైలు అధికారులను ఆదేశించింది.

ఒక వేళ వైద్యుల రిపోర్ట్​లో ఆమెకు అనారోగ్యం ఉన్నట్టు తేలితే బెయిల్​ మంజూరయ్యే అవకాశం ఉన్నది. గురువారం లోపు వైద్యపరీక్షలకు సంబంధించిన నివేదిక తమకు సమర్పించాలని కూడా జస్టిస్‌ శ్రీనివాస్‌ హరీశ్‌కుమార్‌ అధికారులను ఆదేశించారు. కర్ణాటకలో డ్రగ్స్​కేసు పెను ప్రకంపనలు సృష్టించిన విషయం తెలిసిందే. సంజనా ఇంట్లో ఎన్​సీబీ అధికారులకు డ్రగ్స్​ దొరికింది. ఆమె డ్రగ్స్ తీసుకున్నట్టు కూడా ఆధారాలు బలంగా ఉండటంతో ఆమెను పోలీసులు అదుపులోకి తీసుకొని ప్రశ్నిస్తున్నారు.

ఈ కేసులో ప్రముఖ సినిమా హీరోలు, దర్శకులు, ప్రొడ్యూసర్ల పేర్లు కూడా వినిపించినప్పటికి వాళ్ల పేర్లు బయటకు రాలేదు. అయితే సంజన మాత్రం అరెస్టయిన నాటి నుంచి బెయిల్​ కోసం ప్రయత్నిస్తున్నారు. ఈ కేసుతో తనకు ఎటువంటి సంబంధం లేదని.. కొందరు కుట్రపూరితంగా తనను ఇరికించారని ఆమె చెబుతున్నారు. అయితే నిజానిజాలు పోలీసుల విచారణలో తేలనున్నాయి.