బాలయ్య చేతిలో అంజలి ఫ్యూచర్

తెలుగమ్మాయి అయినా తమిళ్ లో ప్రూవ్ చేసుకుని.. టాలీవుడ్ లో వెంకీ సరసన గ్రాండ్ ఎంట్రీ ఇచ్చింది అంజలి. కెరీర్ ని కరెక్ట్ గా మలచుకోవాల్సిన టైంలో... చేసిన కొన్ని తప్పుల కారణంగా కాస్త వెనకబడ్డా... మళ్లీ పుంజుకుందీ బొద్దు భామ.

వెంకటేష్ సరసన వరుసగా సీతమ్మ వాకిట్లో సిరిమల్లె చెట్టు, మసాలా మూవీల్లో చిందులేసింది. అంజలిని పర్సనాలిటీ కారణంగా.. చిన్న హీరోలు దగ్గరకు రానివ్వడం లేదు. సీనియర్స్ హీరోలకి హీరోయిన్స్ సమస్యగా మారిన టైంలో ఈమె ... మంచి ఆప్షన్ గా కనిపిస్తోంది.

ఇప్పుడు బాలయ్య సరసన డిక్టేటర్ లో ఆడిపాడుతోంది అంజలి. ఇలా వెంకీ కాస్త బూస్టప్ ఇచ్చి... తర్వాత బాలయ్య ఛాన్స్ ఇచ్చిన భామ కత్రినా కైఫ్. అంటే.. మరీ అంజలి కూడా కేట్ అంత స్టార్ అయిపోవాలని కాదు.. ఎంతైనా మన తెలుగమ్మాయి కదా... కెరీర్ గాడిలో పడితే చాలు. గీతాంజలితో ఎలాగూ ఫాంలోకొచ్చింది. ఇప్పుడు ఇంకో హిట్ పడితే... సెట్ అయిపోయినట్లే.