దెయ్యం భయంతో ఇల్లు ఖాళీ చేసింది

తెలుగమ్మాయి అంజలి వరుసగా దెయ్యాల సినిమాలు చేసేసింది. గీతాంజలి సక్సెస్ సాధించడంతో వరుసగా వచ్చిన ఆఫర్స్ ను అందిపుచ్చుకున్న ఆమె.. ఫిమేల్ సెంట్రిక్ మూవీస్ అయిన హారర్ ఫిలిమ్స్ తో బాగానే అలరించింది. కానీ ఇప్పుడీ ప్రభావం ఆమెకు రియల్ లైఫ్ లో కూడా వెంటాడుతోందట.

హైద్రాబాద్ లోని గచ్చిబౌలిలోని తన అపార్ట్ మెంట్ లో ఏవో అతీత శక్తులు ఉన్నాయని బలంగా నమ్ముతోందిట అంజలి. ఆ భయంతోనే ఇప్పటికే ప్లాట్ ఖాళీ చేసి వేరే చోటకు మారిపోయిందట కూడా. ఇంత బలంగా నమ్మడానికి కారణాలు కూడా ఉన్నాయి లెండి. రాత్రి పూట ఇంటి చుట్టూ విపరీతంగా పిల్లులు తిరగడం.. అర్ధరాత్రి పూట విచిత్రమైన శబ్దాలు రావడం వంటివి.. కొన్ని నెలలుగా జరుగుతున్నాయట. ఈ పరిస్థితులన్నిటినీ వరుసగా ఫేస్ చేసిన అంజలి చివరకు ఇల్లు ఖాళీ చేసేయాలని ఫిక్స్ అయిపోయి.. మారిపోయిందని తెలుస్తోంది. విచిత్రం ఏంటంటే.. ఈమె ఫ్లాట్ అక్కినేని నాగచైతన్య ఫ్లాట్ కు పక్కనే ఉంటుంది.

ఆ సంగతలా ఉంటే.. ఈ దెయ్యాల దెబ్బకు ఇకపై హారర్ సినిమాల్లో నటించనే కూడదని ఫిక్స్ అయిపోయిందట అంజలి. రీసెంట్ గా రెండు సినిమాలకు ఇలాంటి ఆఫర్సే వస్తే... ఎట్టి పరిస్థితుల్లోనూ హారర్ సినిమాలు చేయనని తెగేసి చెప్పిందట అంజలి. అతీత శక్తులు సీతమ్మను బాగానే భయపెట్టేశాయ్ పాపం.

Like Us on Facebook : https://www.facebook.com/Tupakidotcom/