ఎన్టీఆర్ ఆ కేరక్టరూ కాదు.. సబ్జెక్టూ కాదు

జనతా గ్యారేజ్ సక్సెస్ తో హ్యాట్రిక్ కంప్లీట్ చేసిన జూనియర్ ఎన్టీఆర్.. రెండు నెలలు గడిచిపోయినా కొత్త సినిమా ఖాయం చేయలేదు. ఇండస్ట్రీ హిట్ సాధించిన తర్వాత కొత్త ప్రాజెక్టు విషయంలో కేర్ తీసుకోవడం సాధారణమే. ఎన్టీఆర్ కూడా తన మరసటి సినిమా విషయంలో ఎలాంటి ఛాన్స్ తీసుకోవడానికి సిద్ధంగా లేడు. గ్యాప్ పెరిగినా పర్లేదు కానీ.. తొందరపడి ఓకె చెప్పేయడానికి యంగ్ టైగర్ సిద్ధంగా లేడు.

ఎన్టీఆర్ నెక్ట్స్ మూవీ విషయంలో దర్శకుడిగా చాలా పేర్లు వినిపించిన తర్వాత రీసెంట్ గా అనిల్ రావిపూడితో చర్చలు ఫైనల్ స్టేజ్ లో ఉన్నాయనే టాక్ వచ్చింది. అయితే.. ఈ దర్శకుడు రామ్ తో హీరోని గుడ్డివాడి పాత్రతో చేద్దామని అనుకుని క్యాన్సిల్ అయిన సబ్జెక్టులో.. కొన్ని కీలకమార్పులు చేసి ఎన్టీఆర్ కి వినిపించాడనే టాక్ వచ్చింది. కానీ.. ఎన్టీఆర్-అనిల్ రావిపూడిలు డిస్కస్ చేసుకున్న సబ్జెక్ట్ వేరే అని తెలుస్తోంది. ఫుల్ లెంగ్త్ కమర్షియల్ ఎంటర్టెయినర్ గా తీర్చిదిద్దడమే పాయింట్ తప్ప.. హీరో కేరక్టర్ అంధుడి రోల్ కాదని అంటున్నారు.

అలాగే రామ్ తో తీయాలని అనుకున్న సబ్జెక్ట్.. ఎన్టీఆర్ కి చెప్పిన స్టోరీ వేరువేరనే టాక్ వినిపిస్తోంది. ఇంకా స్టోరీ లాక్ చేయకపోయినా..అనిల్ రావిపూడితో ఎన్టీఆర్ సినిమా ఖాయం అనే మాట గట్టిగానే చక్కర్లు కొడుతుండడం విశేషం.

Like Us on Facebook : https://www.facebook.com/Tupakidotcom/