అందరికీ వరుణే అడ్రస్ అయిపోయాడే

ఇప్పుడు మెగా హీరో వరుణ్‌ తేజ్ ఉన్నాడు చూడండి.. కాలికి గాయం తగ్గిపోయాక వెంటనే మనోడు ''మిష్టర్'' సినిమా షూటింగులోకి దూకేశాడు. అయితే ఇక్కడ ఒక ముఖ్యమైన విషయం డిస్కస్ చేయాలి. అదేంటంటే.. వరుసపెట్టి ఫ్లాపుల్లో ఉన్న డైరక్టర్లకూ.. హీరోల్లేని డైరక్టర్లకూ మనోడే అవకాశాలు ఇవ్వడం ఇప్పుడు హాట్ టాపిక్ అయ్యింది.

బ్రూస్ లీ ఫ్లాప్ అయిన తరువాత.. చాలామంది హీరోలు అసలు శ్రీను వైట్ల చెప్పిన కథను కూడా వినలేదు. రామ్ అండ్ ఎన్టీఆర్ వంటి స్టార్లు మనోడికి డేట్లు ఇస్తారని అనుకుంటే.. అసలు కథే నచ్చలేదు. చివరకు వరుణ్‌ తేజ్ ''మిష్టర్'' మొదలెట్టాడు. ఇక ''అనామిక'' తేడా కొట్టేశాక అసలు శేఖర్ కమ్ముల అనుకున్న ప్రాజెక్టులన్నీ అటకెక్కేశాయి. హ్యాపీ డేస్ సీక్వెల్ నుండి ఒరిజినల్ ఫిలిం హిందీ రీమేక్ వరకు ఏదీ వర్కవుట్ అవ్వలేదు. చివరకు వరుణ్‌ తేజ్ తో ''ఫిదా'' సినిమాను మొదలెట్టాడు. ఇకపోతే హిట్లు రెండున్నా కూడా.. ఇప్పుడు అనిల్ రావిపూడికి హీరోల కరువొచ్చింది. రామ్ తో సినిమా క్యాన్సిల్ అయిపోవడం.. అలాగే ఎన్టీఆర్ కు కథ నచ్చకపోవడంతో.. ఇప్పుడు మనోడు కూడా వరుణ్‌ తేజ్ తో సినిమా చేయబోతున్నాడని టాక్ వస్తోంది.

బహుశా బయట కూడా బోలెడంత డిమాండ్ ఉండీ.. చేతిలో హిట్టు సినిమాలుండీ.. వరుణ్‌ తేజ్ తో పనిచేస్తున్న డైరక్టర్ కేవలం చందు మొండేటి ఒక్కడేనేమో. అది సంగతి.


Like Us on Facebook : https://www.facebook.com/Tupakidotcom/