స్కూల్ డేస్ లో అమితాబ్ ని వాళ్ల‌తో క‌లిపార‌ట‌!

ఇండియ‌న్ సినీ హిస్ట‌రీలో అమితాబ్ బచ్చ‌న్ కు ప్ర‌త్యేక స్థానం వుంది. దీవార్‌, జ‌మీర్‌, షోలే, జంజీర్‌ వంటి సంచ‌ల‌న సినిమాల‌తో యాంగ్రీయంగ్ మెన్ గా సూప‌ర్ స్టార్ గా ప్ర‌త్యేక గుర్తింపుని సొంతం చేసుకున్నారు. 1969లో `సాత్ హిందూస్తానీ` మూవీతో కెరీర్ ప్రారంబించిన అమితాబ్ ద‌శాబ్దాల కాలంగా త‌న‌దైన మార్కు న‌ట‌న‌తో ఆక‌ట్టుకుంటూ ఇప్ప‌టికీ యంగ్ స్ట‌ర్స్ కు గ‌ట్టి పోటీనిస్తున్నారు. క‌మ‌ర్షియ‌ల్ యాడ్స్ లోనూ, క్రేజీ టెలివిజ‌న్ షోల్లోనూ ప్ర‌ముఖంగా క‌నిపిస్తూ త‌న స‌త్తా చాటుకుంటున్నారు.

ఆ మ‌ధ్య సోష‌ల్ మీడియా వేదిక‌గా వార్త‌ల్లో నిలిచిన అమితాబ్ తాజాగా ఓ చిన్నారితో జ‌రిపిన స‌ర‌దా సంభాష‌ణ ప్ర‌స్తుతం నెట్టింట వైర‌ల్ గా మారింది. ఓ ప్ర‌ముఖ టెలివిజ‌న్ ఛానల్ లో అబితాబ్ వ్యాఖ్య‌త‌గా వ్య‌వ‌హ‌రిస్తున్న విష‌యం తెలిసిందే.

ఈ కార్య‌క్ర‌మంలో ప‌లువురు చిన్నారులు పాల్గొన్నారు. వారితో క‌లిసి అమితాబ్ సంద‌డి చేశారు. ప‌లువురు పిల్ల‌ల‌లో అమితాబ్ స‌ర‌దాగా మాట్లాడారు. ఈ సంద‌ర్భంగా ఓ పాప త‌న రిపోర్ట్ కార్డ్ లో హైట్ త‌క్కువగా వున్న వాళ్లంటే త‌న‌కు ఇష్టం లేద‌ని రాసుకొచ్చింది.

ఇది గ‌మ‌నించిన అమితాబ్ ఈ అంశంపై మాట్లాడుతూ త‌న చిన్ననాటి రోజుల్ని గుర్తు చేసుకున్నారు. త‌న చిన్న‌త‌నంలో జ‌రిగిన ఓ ఆస‌క్తిక‌ర‌మైన అంశాన్ని ఈ సంద‌ర్భంగా వెల్ల‌డించారు. హైట్ వ‌ల్ల త‌ను చాలా ఇబ్బందుల్ని ఎదుర్కొన్నాన‌ని పేర్కొన్నారు. ఈ సంద‌ర్భంగా అమితాబ్ మాట్లాడుతూ `నేను చ‌దువుకున్న స్కూల్ లో బాక్సింగ్ ఖ‌చ్చితంగా నేర్చుకోవాలి. నేను ఎత్తు ఎక్కువ‌గా వున్నాన‌ని, న‌న్ను సీనియ‌ర్స్ టీమ్ లో వేశారు.

కేవ‌లం నా హైట్ కార‌ణంగానే తాను సీనియ‌ర్స్ తో క‌లిసి వుండాల్సి వ‌చ్చింద‌ని ఈ సంద‌ర్భంగా అమితాబ్ స్ప‌ష్టం చేస్తూ ఆనాటి సంగ‌తుల్ని గుర్తు చేసుకున్నారు. ఇదిలా వుంటే త‌న‌యుడు అభిషేక్ బ‌చ్చ‌న్ కు ఫిల్మ్ ఫేర్ రావ‌డంపై అమితాబ్ సంతోషం వ్యక్తం చేశారు. ఈ సంద‌ర్భంగా ట్విట్ట‌ర్ వేదిక‌గా అబిషేక్ కు అభినంద‌న‌లు తెలిపారు. నిన్ను విమ‌ర్శించే వారికి నీ ప‌నిత‌నంతో స‌మాధానం చెబుతూ నీ స‌త్తాని నిరూపించుకుంటున్నావు యు ఆర్ ది బెస్ట్` అంటూ త‌న‌యుడు అభిషేక్ బ‌చ్చ‌న్ పై ప్ర‌శంస‌లు కురిపించారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.