మన్మధుడు-2 లో సర్ ప్రైజ్ అదేనట

అక్కినేని నాగార్జున తన నెక్స్ట్ తెలుగు సినిమాను రాహుల్ రవీంద్రన్ దర్శకత్వంలో చేసేందుకు గ్రీన్ సిగ్నల్ ఇచ్చాడని ఇప్పటికే వార్తలు వచ్చాయి. నాగార్జున కెరీర్లో క్లాసిక్ గా నిలిచిన 'మన్మధుడు' సినిమాకు సీక్వెల్ గా ఈ చిత్రం తెరకెక్కనుంది. ఈ సినిమాకు సంబంధించి ఒక ఇంట్రెస్టింగ్ అప్డేట్ టాలీవుడ్లో హల్చల్ చేస్తోంది.

ఈ సినిమాలో నాగార్జున సతీమణి అమల ఒక కీలకపాత్ర పోషిస్తుందని అంటున్నారు. ఇదో ఫుల్ లెంగ్త్ రోల్ అని సమాచారం. నాగార్జునను 1992 లో వివాహం చేసుకున్న తర్వాత సినిమాలకు దూరంగా ఉన్న అమల శేఖర్ కమ్ముల 'లైఫ్ ఈజ్ బ్యూటీఫుల్' చిత్రం ద్వారా మళ్ళీ రీ ఎంట్రీ ఇచ్చారు. ఆ సినిమా తర్వాత 'మనం' లో కూడా ఒక అతిథిపాత్రలో నటించారు. ఈ సినిమాలో మళ్ళీ ఆమె కెమెరా ముందుకొస్తారట. ఈ సినిమాలో నాగార్జున డబల్ రోల్ లో కనిపిస్తాడని ఆ పాత్రకు జోడీగా యంగ్ నాగార్జునకు మదర్ గా కనిపిస్తారని అంటున్నారు.

ఇదిలా ఉంటే ఇవన్నీ రూమర్లని కొట్టిపారేస్తున్నారు అక్కినేని కాంపౌండ్ కు సన్నిహితులు. అమల క్యామియో నిజమేకానీ అది జస్ట్ రెండు మూడు నిముషాలకంటే ఎక్కువగా ఉండదని.. ఫుల్ లెంగ్త్ రోల్ కాదని అంటున్నారు. త్వరలోనే ఈ విషయంపై క్లారిటీ వచ్చే అవకాశం ఉంది. 'మన్మధుడు 2' రెగ్యులర్ షూటింగ్ మార్చ్ నుంచి పోర్చుగల్ లో జరుగుతుందని సమాచారం.