నెట్టింట అల్లుడు అదుర్స్ సందడి.. మరదళ్ళతో కలిసి అలా..!!

యువహీరో బెల్లంకొండ శ్రీనివాస్.. ప్రస్తుతం అల్లుడు అదుర్స్ సినిమాతో థియేటర్లలో సందడి చేసేందుకు రెడీ అవుతున్నాడు. కెరీర్ ప్రారంభంలో అల్లుడుశీను హిట్ అందుకున్నాక మళ్లీ అలాంటి హిట్ త్వరగా రాలేదు. అల్లుడుశీనుతో తెలుగు ప్రేక్షకులను బాగానే ఆకట్టుకున్నా.. ఆ తర్వాత చాలా సినిమాలకు బ్రేక్‌ లభించింది. అదే బోయపాటి దర్శకత్వంలో తెరకెక్కిన జయజానకి నాయక. కానీ చివరిగా నటించిన సస్పెన్స్ సైకో థ్రిల్లర్ ‘రాక్షసుడు’ మాత్రం ఈ బెల్లంకొండ వారసుడికి మంచి కంబ్యాక్ సూపర్ హిట్ అందించింది. ప్రస్తుతం ఈ అల్లుడుశీను.. కందిరీగ, హైపర్‌ సినిమాల దర్శకుడు సంతోష్‌ శ్రీనివాస్‌ డైరెక్షన్‌లో ఓ కామెడీ ఎంటర్టైన్మెంట్ సినిమా చేసాడు. ‘అల్లుడు అదుర్స్‌’ అనే టైటిల్ తో రూపొందిన ఈ సినిమా సంక్రాంతి కానుకగా విడుదల అవుతోంది.

ప్రస్తుతం ఈ సినిమాకి సంబంధించిన ప్రమోషన్ పనులు ముమ్మరం చేశారు మేకర్స్. అయితే జనవరి 3న బెల్లంకొండ హీరో పుట్టినరోజు సందర్బంగా.. ఈ సినిమా నుండి ఫస్ట్ లిరికల్ సాంగ్ విడుదల చేశారు. 'హోలా చికా' అంటూ సాగే ఈ పాటలో శ్రీనివాస్ కౌబోయ్ గెటప్ లో డాన్స్ అదరగొట్టాడు. తాజాగా అల్లుడు అదుర్స్ కొత్త పిక్ ఒకటి సోషల్ మీడియాలో వైరల్ అవుతోంది. ఆ ఫోటోలో హీరో శ్రీనివాస్ కి రెండు పక్కల చేతులలో చేయి వేసి నిలబడ్డారు హీరోయిన్స్. ఒకవైపు నభా నటేష్, మరోవైపు అను ఇమ్మానుయేల్. ముగ్గురు కూడా మంచి ఉత్సాహంగా కనిపిస్తున్నారు. ఇద్దరు మరదళ్ల మధ్య అల్లుడు నవ్వుతూ ఉన్నాడు. ఇక ఈరోజు 5:04 గంటలకు అల్లుడు అదుర్స్ ట్రైలర్ విడుదల చేయనున్నారు మేకర్స్. దేవిశ్రీ ప్రసాద్ సంగీతం అందిస్తున్న ఈ సినిమాను సుమంత్ మూవీ ప్రొడక్షన్స్ సంస్థ నిర్మిస్తోంది. చూడాలి మరి ట్రైలర్ లో ఎంత దమ్ముందో..!!