అల్లు శిరీష్ చేతిలో బ్లాక్ లేడీ

బాలీవుడ్ లో స్టార్ హీరోలు కూడా యాంకరింగ్ చేస్తుంటారని.. మన దగ్గర ఆ కల్చర్ ఎందుకు ఉండకూడదని ఎదురుప్రశ్న వేసి మరీ.. అవార్డ్ ఫంక్షన్స్ హోస్ట్ చేయడం ప్రారంభించిన హీరో అల్లు శిరీష్. రీసెంట్ గా జరిగిన ఫిలింఫేర్ అవార్డ్ ఫంక్షన్ ను కూడా అల్లు శిరీష్ హోస్ట్ చేశాడు. రాగిణి ద్వివేది.. విజయ్ దేవరకొండతో కలిసి స్టేజ్ పై అల్లు శిరీష్ చేసిన అల్లరి సందడి అందరినీ ఆకట్టుకుంది.

ఫిలింఫేర్ సౌత్ అవార్డ్ ఈవెంట్ మధ్యలో ఓ కామెడీ వీడియోను ప్రసారం చేశారు. ఇందులో శిరీష్.. విజయ్ దేవరకొండలను యూట్యూబ్ సెన్సేషన్ వైవా హర్ష ఇంటర్వ్యూ చేస్తూ ఉంటాడు. ఫిలింఫేర్ అవార్డ్ ఈవెంట్ ను హోస్ట్ చేయడానికి వీళ్లకేం అర్హతలు ఉన్నాయని ఆరా తీస్తుంటాడు హర్ష. ఈ వీడియో మొత్తం నవ్వులు పూయించేయగా.. టెలికాస్ట్ పూర్తయ్యాక అందరి మన్ననలు పొంది ప్రశంసలు అందుకుంది. ఆ తర్వాతే మరో విషయం చెప్పాడు అల్లు శిరీష్. ఈ హీరోకు చిన్నప్పటి నుంచి బ్లాక్ లేడీని.. అంటే ఫిలింఫేర్ అవార్డ్ ను లిఫ్ట్ చేయడం అంటే ఎంతో ఇష్టమట.

తన మామయ్య మెగాస్టార్ చిరంజీవి ఫిలిం ఫేర్ అవార్డ్ ను ఇంటికి తీసుకొచ్చిన దగ్గర నుంచి ఈ కోరిక ఉండేదట. కానీ ఇప్పటివరకూ ఆ కోరిక తీరకపోవడంతో.. బ్లాక్ శారీ కట్టుకున్న వైవా హర్షను కాసేపు గాల్లోకి ఎత్తేసి.. బ్లాక్ లేడీని లిఫ్ట్ చేసేశానంటూ నవ్వులు పూయించాడు అల్లు శిరీష్. కాని ఇది కాస్త రేసిస్ట్ కామెడీ తరహాలో అనిపించట్లేదూ??

Like Us on Facebook : https://www.facebook.com/Tupakidotcom/