​అల్లు హీరోకు ఏమి జరుగునో మరి

అల్లు ఫ్యామిలి నుండి వచ్చిన రెండో హీరో అల్లు శిరీష్ తన రాబోతున్న థ్రిల్లర్ సినిమా కోసం ఫోకస్ గా ఫినిష్‌ చేయడానికి ప్రయత్నం చేస్తున్నాడు. మొదటి సినిమా ‘గౌరవం’ నిరాశ పరిచింది. పోనీ రెండో సినిమా ‘కొత్త జంట’ అయిని వర్కవుట్ అవుతుంది అని అనుకుంటే అదికూడా బాక్స్ ఆఫీసు వద్ద బోల్తా పడింది. ఆ తరువాత సినిమా 'శ్రీరస్తు శుభమస్తు' సోసోగా లాగించింది. అందుకే ఇప్పుడు రాబోతున్న సినిమా పైనే అన్నీ ఆశలు పెట్టుకున్నాడు శిరీష్.

ఎక్కడికి పోతావు చిన్నవాడ సినిమా డైరెక్టర్ వి ఆనంద్ డైరక్షన్ లో ఒక సినిమా షూటింగ్ హైదరాబాద్లో జరుగుతుంది. ఈ సినిమాకు ‘ఏ నిమిషం ఏమిజరుగునో’ అనే టైటిల్ పెట్టినట్లు తెలుస్తోంది. ఇంకా అధికారికంగా ప్రకటన చేయకపోయినా ఈ సినిమా సైన్స్ ఫిక్సన్ డ్రామా కాబట్టి ఈ టైటిల్ సరిగ్గా సరిపోతుంది అని టీమ్ అభిప్రాయపడుతోంది. ఈ సినిమాను నవంబర్ నెలలో విడుదల చేయడానికి సన్నాహాలు జరుగుతున్నాయి. ఈ సినిమా లో అల్లు శిరీష్ కు జోడీగా సురభి మరియు సీరాత్ కపూర్ నటిస్తున్నారు. కథ కథనం మరియు హీరోయిన్ల గ్లామరసం.. ఈ సినిమాకు మేజర్ బలం అవుతాయేమో. ఏదేమైనా కూడా.. ఈ సినిమాతో శిరీష్‌ గట్టిగా హిట్టు కొట్టాల్సిందే. లేకపోతే అతనితో సినిమాలు చేయడానికి డాడ్ అరవింద్ ఎప్పుడూ రెడీగా ఉన్నా కూడా.. దర్శకులు రెడీగా ఉంటారోలేదో చెప్పలేం.

ఇకపోతే ఈ నెల లేదా వచ్చే నెలలోనే అల్లు శిరీష్ నటించిన మలయాళం సినిమా.. ‘1971 భారత సరిహద్దు’ పేరుతో తెలుగులో విడుదల కాబోతుంది.​ అక్కడ ఫ్లాపైనా కూడా.. ఇక్కడ హిట్టవుతుందనే భావనతో రిలీజ్ చేస్తున్నారట.

Like Us on Facebook : https://www.facebook.com/Tupakidotcom/