బన్నీతో బాలీవుడ్ బ్యూటీ జోడీ

అల్లు అర్జున్ లేటెస్ట్ మూవీ డీజే దువ్వాడ జగన్నాధం రిలీజ్ కి రెడీ అయిపోతోంది. ఇటు షూటింగ్ తో పాటు అటు పబ్లిసిటీ పనులు కూడా చక్కబెడుతూ.. ప్రచారానికి దుబాయ్ లో శ్రీకారం చుట్టేశారు. ఏప్రిల్ లో డీజే రిలీయ్ అయ్యే అవకాశాలు ఉండగా.. ఇప్పుడు బన్నీ చేయనున్న మరుసటి చిత్రానికి సంబంధించిన సంగతులు కూడా ఆసక్తి కలిగిస్తున్నాయి.

ఏప్రిల్ 8న తన పుట్టిన రోజు సందర్భంగా.. కొత్త సినిమా స్టార్ట్ చేయనున్నాడు బన్నీ. ఇప్పటికే ఈ ప్రాజెక్టుకు ప్రీ ప్రొడక్షన్ పనులు శరవేగంగా సాగుతుండగా.. ఇప్పుడు హీరోయిన్ విషయంలో ఓ డెసిషన్ కు వచ్చినట్లు తెలుస్తోంది. ఫగ్లీ.. ఎంఎస్ ధోనీ చిత్రాలతో ఆకట్టుకున్న బాలీవుడ్ బ్యూటీ కైరా అద్వానీని హీరోయిన్ గా ఎంపిక చేశారట. ఇంకా అగ్రిమెంట్ పూర్తి కాలేదు కానీ.. ఇప్పటికే ఈ భామను ఫిక్స్ చేశారనే టాక్ గట్టిగానే వినిపిస్తోంది.

స్టార్ రైటర్ వక్కంతం వంశీని దర్శకుడిగా పరిచయం చేస్తూ.. 'నా పేరు సూర్య' అనే వర్కింగ్ టైటిల్ పై సినిమా చేయనున్నాడు. ఇంకా అనౌన్స్ చేయకపోయినా.. ఇదే ఫైనల్ కావచ్చు. నా ఇల్లు ఇండియా అనేది దీనికి ట్యాగ్ లైన్. వక్కంతం వంశీ దర్శకత్వంలో రూపొందనున్న ఈ చిత్రాన్ని.. లగడపాటి శ్రీధర్ నిర్మించనున్నారు.

Like Us on Facebook : https://www.facebook.com/Tupakidotcom/