పోస్టర్ టాక్‌: దువ్వాడలో కొత్త యాంగిల్

ఇప్పటివరకు ''డిజె దువ్వాడ జగన్నాథమ్'' అంటే మనకు తెలిసిన యాంగిల్ ఒకటే. ఈ సినిమాలో అల్లు అర్జున్ మూడు నామాలు పెట్టుకుని ఒక ప్యూరి బ్రహ్మణుడి తరహాలో నవ్విస్తాడని ఏడిపిస్తాడని అందరూ అనుకున్నారు. అయితే ఆ మధ్యనే ఈ బ్రాహ్మణ క్యారెక్టర్ చేసిన దువ్వాడ.. డిజె గెటప్ లో ఎలా ఉంటాడో చూపించారు. పూర్తి స్థాయిలో కోటు వేసుకుని.. ఒక చిన్న బ్రీఫ్‌ కేస్ పట్టుకుని.. నానా హంగామా చేశాడు. ఇప్పుడు మరో యాంగిల్ చూపిస్తున్నాడు చూడండి.

'డిజె' సినిమాలో బన్నీ ఒక లవర్ బాయ్ గా కూడా కనిపించబోతున్నాడు. అందుకే ఇప్పుడు అదిగో.. తన ప్రేయసి మేనిని సున్నితంగా తాకుతూ.. ఇద్దరూ తమకంలో మునిగిపోతూ.. కొవ్వుత్తులు కరిగించేటేంత సెగలు పుట్టిస్తూ.. పూర్తి స్థాయి రొమాన్స్ లో మునిగిపోయారు ఈ ప్రేయసీ ప్రియులు. ఇక హీరోయిన్ పూజా హెగ్డే కూడా రొమాన్స్ ను పీక్స్ కు తీసుకెళ్లడానికి తనదైన స్థాయిలో కవ్వించే హావభావాలను బాగానే దారబోస్తోందిలే.

అయితే ఇప్పటివరకు ఇన్ని రకాల పోస్టర్లను బయటకు వదిలేస్తుంటే.. సినిమా కథ ఇదే అని అందరూ ఊహించేసుకోవడానికి ఒక స్కోప్ కలిపించినట్లయ్యింది. దాని వలన ప్లస్ అవుతుందా మైనస్ అవుతుందా హరీశ్‌ శంకర్??