ఒకే ఫ్రేమ్ లో మెగా హీరోలంతా!!

ఖైదీ నెంబర్ 150 ఫ్రీ రిలీజ్ ఈవెంట్ కి కొన్ని గంటలే ఉంది. హాయ్ ల్యాండ్లో జరుగుతున్న ఏర్పాట్లు దాదాపు పూర్తి కావొచ్చాయ్. కార్యక్రమానికి అతిథులుగా వచ్చే వారి జాబితా కూడా ఫైనల్ అయిపోయింది. ఇక ఫ్యాన్స్ కి కిరాక్ ఎక్కించే న్యూస్ ఏంటంటే ఈ కార్యక్రమానికి దాదాపు మెగా హీరోలంతా అటెండ్ అవుతున్నారు.

చిరు తనయుడిగానే కాదు చిత్ర నిర్మాతగా రామ్ చరణ్ అటెండెన్స్ ఎలాగో గ్యారంటీ. చెర్రీ.. మెగా బ్రదర్ నాగబాబుతో పాటు చిరంజీవి పెట్ సన్ వరుణ్ తేజ్.. మేనల్లుడు సాయి ధరమ్ తేజ్ అలాగే అల్లు ఫ్యామిలీ హీరోలు ఈ కార్యక్రమంలో మెరవనున్నారు. షూటింగ్స్ కి బ్రేక్ తీసుకోని వీరంతా చిరంజీవి కమ్ బ్యాక్ మూవీ ఈవెంట్లో పాల్గొనున్నారు. ఇక ఎప్పట్లాగే పవన్ కల్యాణ్ రాక మీద కొంచెం క్లారిటీ మిస్సింగ్. అయితే టెక్కలి రోడ్ షోలో ఖైదీ నెంబర్ 150 ఫంక్షన్ కి మీరు వస్తారా అని అభిమానులు అడిగితే తప్పకుండా వస్తా అని పవన్ అన్నాడు కాబట్టి పవర్ స్టార్ అటెండయ్యే విషయమ్మీద పాజిటివ్ బజ్ ఉంది.

తమ ఫ్యామిలీ నుంచే సగం క్రికెట్ టీమంతా హీరోలున్నారని మెగా హీరోలు మధ్య మధ్యలో సరదాగా కామెంట్ చేసినప్పటికీ.. అంతమంది ఒకే ఫ్రేమ్ లో కనిపిస్తే చూడ్డానికి అభిమానులకి రెండు కళ్లు సరిపోవేమో. ఇక పవన్ కల్యాణ్ కూడా వస్తే సర్థార్ గబ్బర్ సింగ్ ఆడియో ఫంక్షన్లో అన్నాదమ్ములు తీసుకొన్న సెల్ఫీకి మించిన ఫ్రేమ్ అవుతుంది ఈ ఈవెంట్.

Like Us on Facebook : https://www.facebook.com/Tupakidotcom/