ఆమె కోసం ట్రై చేస్తున్న అఖిల్

అక్కినేని అఖిల్ రెండో సినిమా ఎట్టకేలకు ప్రారంభం అవుతోంది. ఏప్రిల్ నెలలోనే ఈ చిత్రం షూటింగ్ ప్రారంభమయ్యే అవకాశాలు పుష్కలంగా ఉన్నాయి. మనం ఫేమ్ విక్రమ్ కె కుమార్ దర్శకత్వంలో తెరకెక్కనున్న ఈ చిత్రానికి సంబంధించి.. ఇప్పుడో ఇంట్రెస్టింగ్ అప్డేట్ హల్ చల్ చేస్తోంది.

అఖిల్ సెకండ్ మూవీలో బాలీవుడ్ యంగ్ సెన్సేషనల్ బ్యూటీ ఆలియా భట్ ను హీరోయిన్ గా అడుగుతున్నట్లు తెలుస్తోంది. ఇందుకోసం అఖిల్ తన బాలీవుడ్ కాంటాక్ట్స్ ని ఉపయోగిస్తున్నాడట. కరణ్ జోహార్ తో పాటు.. పలువురు బాలీవుడ్ తారలతో చెప్పించి.. ఈ డీల్ ఓకే అయ్యేందుకు ప్రయత్నిస్తున్నట్లు తెలుస్తోంది. మరోవైపు నాగార్జున కూడా తన వంతు సాయం చేస్తున్నట్లు టాక్. ఆలియా తండ్రి మహేష్ భట్ తో నాగ్ కు సాన్నిహిత్యం ఉంది. గతంలో వీరిద్దరూ కలిసి క్రిమినల్ అనే మూవీ కూడా రూపొందించారు. నాగ్ నిర్మాణంలో తెరకెక్కే మూవీ కావడంతో.. అఖిల్-ఆలియా కాంబో ఫైనల్ కావచ్చనే టాక్ గట్టిగానే వినిపిస్తోంది.

నిజానికి ఈ చిత్రంలో మేఘా ఆకాష్ ను హీరోయిన్ గా తీసుకోవాలని భావించారు. కానీ ఈ చిత్రం ఆలస్యం కావడంతో.. ఈ లోగా ఆమె ఇతర ప్రాజెక్టులు ఒప్పుకుంది. నితిన్-హను రాఘవపూడి చిత్రంతో పాటు.. రామ్ హీరోగా తెరకెక్కే సినిమాకి సైన్ చేసింది. నిఖిల్ మూవీ కోసం 2 నెలల పాటు అమెరికా షెడ్యూల్ కూడా వెళ్లనుంది. ఈమె అందుబాటులో లేకపోవడంతో.. ఇప్పుడు ఆలియాను పట్టుకొచ్చే ప్రయత్నాలు జరుగుతున్నాయి.

Like Us on Facebook : https://www.facebook.com/Tupakidotcom/